ଅଗ୍ନିକାଣ୍ଡରେ ଜଳିଗଲା 15 ବଖରା ଘର, 15 ଛେଳି ଜୀବନ୍ତ ଦଗ୍ଧ

ଜଗତସିଂହପୁର ଜିଲ୍ଲାରେ ଭୟାବହ ଅଗ୍ନିକାଣ୍ଡ ହୋଇଛି । ଏଥିରେ 15 ବଖରା ଘର ଜଳି ଯାଇଥିବା ବେଳେ ଧାନ, ଚାଉଳ ଆଦି ନଷ୍ଟ ହୋଇଯାଇଛି । ଅନ୍ୟପଟେ ଅଗ୍ନିକାଣ୍ଡ କାରଣରୁ 15 ଗୋଟି ଛେଳି ଜୀବନ୍ତ ଦଗ୍ଧ ହୋଇଥିବାର ଖବର ମିଳିଛି ।

ଜଗତସିଂହପୁର: ଜିଲ୍ଲା ସଦରବ୍ଲକ ଅଧିନସ୍ଥ କୁଳପଟସରା ଗ୍ରାମରେ ଗତକାଲି ରାତିରେ ଭୟାବହ ଅଗ୍ନିକାଣ୍ଡ ହୋଇଛି । ଏଥିରେ 15 ବଖରା ଘର ଜଳି ଯାଇଥିବା ବେଳେ, ୧୫ଟି ଛେଳି ଜୀବନ୍ତ ଦଗ୍ଧ ହୋଇଥିବା ଜଣାପଡିଛି।

କୁଳପଟସରା ଗାଁର ପ୍ରସନ୍ନ ଭୋଇଙ୍କ ଘରେ ଚୁଲିରୁ ନିଆଁ ଲାଗି ଯାଇଥିଲା । ଯାହା ଫଳରେ ୧୫ ବଖରା ଘର ଚାହୁଁ ଚାହୁଁ ଜଳି ଯାଇଥିଲା। ଏଥିରେ ଘରର ଆସବାବପତ୍ର ସମେତ ଧାନ, ଚାଉଳ ସହ ନଗଦ ଟଙ୍କା ମଧ୍ୟ ପୋଡିଯାଇଛି । ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଛି ।

ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ