ଜଗତସିଂହପୁର: ଢିଅସାହି ବଜାରରେ ଗ୍ୟାସ ସିଲିଣ୍ଡର ଫାଟି ଅଗ୍ନିକାଣ୍ଡ ଘଟିଛି । ଏଥିରେ ଏକାଧିକ ଦୋକାନଘର ପୋଡି ଭସ୍ମିଭୂତ ହୋଇଯାଇଛି । ସୋମବାର ଅପରାହ୍ନରେ ଢିଅସାହି ବଜାରର ଏକ ଜଳଖିଆ ଦୋକାନରେ ହଠାତ ଗ୍ୟାସ ସିଲେଣ୍ଡର ଫାଟି ନିଆଁ ଲାଗି ଯାଇଥିଲା ।
ଗ୍ୟାସ୍ ସିଲେଣ୍ଡର ଫାଟି ଅଗ୍ନୀକାଣ୍ଡ
ଅଗ୍ନିକାଣ୍ଡରେ ଦୁଇଟି ଷ୍ଟେସନାରୀ, ଦୁଇଟି ତେଜରାତୀ ଦୋକାନ ଓ ଦୁଇଟି ସେଲୁନ୍ ପୋଡି ଭସ୍ମିଭୂତ ହୋଇଯାଇଛି । ଖବର ପାଇ ଜଗତସିଂହପୁର ଦମକଳ ବାହିନୀ ଘଟଣା ସ୍ଥଳରେ ପହଁଛି ନିଆଁକୁ ଆୟତ କରିଛି । ତେବେ ଏଥିରେ କେହି ମୃତାହତ ହୋଇ ନଥିବା ବେଳେ ଲକ୍ଷାଧିକ ଟଙ୍କା ସରଞ୍ଜାମ ପୋଡି ପାଉଁଁଶ ହୋଇ ଯାଇଥିବା ଜଣାପଡିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
