ଜଗତସିଂହପୁର: ତିର୍ତ୍ତୋଳ ଥାନା ଅନ୍ତର୍ଗତ ପଞ୍ଚେଇ ଗ୍ରାମରେ ଥିବା କ୍ବାରେଣ୍ଟାଇନ ସେଣ୍ଟରରେ ମଦ୍ୟପଙ୍କ ଉନ୍ମତ୍ତ କାଣ୍ଡ । ଗାଁରେ ଥିବା କ୍ବାରେଣ୍ଟାଇନ ସେଣ୍ଟରରେ ସୋମବାର ସନ୍ଧ୍ୟାରେ ଜଣେ ମଦ୍ୟପ ହଠାତ ପଶିଆସି ଛୁରୀରେ ଆକ୍ରମଣ କରିଥିଲା । ଏହାକୁ କ୍ବାରେଣ୍ଟାଇନ ସେଣ୍ଟରର ରୋଷେୟା ଅନନ୍ତ ସାହୁ ବିରୋଧ କରିଥିଲେ । ଏହି ସମୟରେ ଯୁବକ ଜଣକ ପାଖରେ ରଖିଥିବା ଛୁରୀକୁ ଅନନ୍ତଙ୍କ ପେଟରେ ଭୁଷିଦେବା ସହ ସରପଞ୍ଚଙ୍କୁ ମାଡ ମାରିଥିବା ଅଭିଯୋଗ ହୋଇଛି ।
ଘଟଣା ସ୍ଥଳରେ ରୋଷେୟା ଅନନ୍ତ ସାହୁଙ୍କୁ ଗୁରୁତର ଅବସ୍ଥାରେ ତିର୍ତ୍ତୋଳ ପୋଲିସ ଉଦ୍ଧାର କରି ପ୍ରଥମେ ତିର୍ତ୍ତୋଳ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲ । ପରେ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ଅଭିଯୁକ୍ତ ମଦ୍ୟପକୁ ପୋଲିସ ଅଟକ ରଖି ପଚରାଉଚାର ଜାରି ରଖିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
