ଜାଣନ୍ତୁ ସୁପରଫୁଡ୍ ଅଁଳାର ଉପକାରିତା...

ଅଁଳା ଶରୀରରେ ଥିବା ବିଷାକ୍ତ ଉପାଦାନଗୁଡ଼ିକୁ ବାହାର କରିଥାଏ । ଆୟୁର୍ବେଦରେ ଅଁଳାକୁ ସୁପରଫୁଡ୍ କୁହାଯାଏ ।

ହାଇଦ୍ରାବାଦ: ଅଁଳାରେ ପ୍ରଚୁର ରୋଗ ପ୍ରତିରୋଧକ ଶକ୍ତି ରହିଛି । ଭାରତରେ ଅଧିକାଂଶ ଆୟୁର୍ବେଦିକ ଔଷଧରେ ଅଁଳା ବ୍ୟବହୃତ ହୁଏ । ଏହା ଶରୀରକୁ ଅତ୍ୟାବଶ୍ୟକ ଉପାଦାନ ଯୋଗାଇଥାଏ, ସ୍ତନ୍ୟପାନ ପରେ ଏହା ସବୁଠାରୁ ଉପଯୁକ୍ତ ସପ୍ଲିମେଣ୍ଟ । ଅଁଳାର ଔଷଧୀୟ ଗୁଣ ପାଇଁ ସନାତନୀ ପରମ୍ପରାରେ ପୂଜା କରାଯାଏ । ଅଁଳା ଶୀତଦିନେ ଉତ୍ପାଦିତ ହେଉଥିବା ବେଳେ ପ୍ରତ୍ୟେକ ଋତୁରେ ବ୍ୟବହାର କରିପାରିବା । ଏହାକୁ ନିୟମିତ ଗ୍ରହଣ କରିବା ଦ୍ବାରା ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଏ। କାରଣ ଏଥିରେ ଲୌହ, ଭିଟାମିନ୍ ସି ଏବଂ ପ୍ରଚୁର ଫାଇବର ରହିଛି । ଯାହା ଶରୀର ପାଇଁ ଜରୁରୀ ଉପାଦାନ ଅଟେ । ଆୟୁର୍ବେଦରେ ଏହାକୁ ଅମୃତ କୁହାଯାଏ ଏବଂ ସନାତନ ଧର୍ମରେ ପୂଜା କରାଯାଏ ବୋଲି କହିଛନ୍ତି ଆୟୁର୍ବେଦ ଚିକିତ୍ସା ବିଭାଗର ବରିଷ୍ଠ ଡାକ୍ତର ଡ. ବିଏଲ୍ ମିଶ୍ର ।

• ଅଁଳାର ଉପକାରିତା :

ଶରୀରରେ ଥିବା ବିଷାକ୍ତ ଉପାଦାନଗୁଡ଼ିକୁ ବାହାର କରିଥାଏ । ଚର୍ମର ଉଜ୍ଜଳତାକୁ ଫେରାଇଥାଏ ଏବଂ ରକ୍ତ ବ୍ୟାଧି ଭଲ କରିଥାଏ । ଏସିଡିଟି, ଗ୍ୟାସ୍ , କୋଷ୍ଠକାଠିନ୍ୟ ଏବଂ ଅଦୃଶ୍ୟତା ଦୂର କରେ । ଦୃଷ୍ଟି ଶକ୍ତି ବୃଦ୍ଧି କରିବାରେ ସାହାଯ୍ୟ କରେ ଏବଂ କେଶକୁ ମଜବୁତ କରେ। କର୍କଟ, ଚର୍ମ, ହୃଦୟ, ଯକୃତ ଏବଂ କିଡନୀ ରୋଗକୁ ରୋକିପାରେ। ହୃଦୟ ମାଂସପେଶୀକୁ ଶକ୍ତିଶାଳୀ କରେ । ପରିସ୍ରା ସଂକ୍ରମଣରୁ ରକ୍ଷା କରିଥାଏ । ମଧୁମେହକୁ ନିୟନ୍ତ୍ରଣ କରେ । ଭୋକ ବୃଦ୍ଧିରେ ସହାୟତା କରେ। ମହିଳାମାନଙ୍କର PCOD-PID (Polycystic ovary syndrome and pelvic inflammatory disease) ରୋକିବାରେ ସହାୟକ ହୋଇଥାଏ ।

Dr BL Mishra, senior physician in the Ayurveda Medical Department (ETV Bharat Odisha)

ସେ ଆହୁରି ମଧ୍ୟ କହିଛନ୍ତି," କୌଣସି ବୟସର ବ୍ୟକ୍ତି ଆଁଳା ବ୍ୟବହାର କରିପାରିବେ । ଏହାକୁ ଚୋବାଇ ଖାଇବା ଦ୍ବାରା ଦାନ୍ତର ଉପର ସ୍ତର ସୁଦୃଢ ହୁଏ । ଯେହେତୁ ପିଲାମାନେ କଞ୍ଚା ଆଁଳା ଖାଇବା ପସନ୍ଦ କରନ୍ତି ନାହିଁ, ତେଣୁ ସେମାନଙ୍କ ପାଇଁ ବିଭିନ୍ନ ପ୍ରକାର ଜେଲି ତିଆରି କରାଯାଏ । ଶୀତଦିନେ ଏହା ବ୍ୟବହାର କରିଲେ ସ୍ବାସ୍ଥ୍ୟ ପାଇଁ ଭଲ । ଅଁଳା ନିୟମିତ ଖାଇବା ଦ୍ବାରା ଦୃଷ୍ଟି ଶକ୍ତି ବଜାୟ ରଖିବାରେ ସାହାଯ୍ୟ କରିଥାଏ ।"

ବ୍ୟୁରୋ ରିପୋର୍ଟ, ଇଟିଭି ଭାରତ