ଜଗତସିଂହପୁର: ସମ୍ଭାବ୍ୟ ବନ୍ୟା ସ୍ଥିତିକୁ ନେଇ ଜିଲ୍ଲା ପ୍ରଶାସନ ପକ୍ଷରୁ ଆରମ୍ଭ ହୋଇଛି ପ୍ରସ୍ତୁତି । ଜିଲ୍ଲାର ଦକ୍ଷିଣରେ ପ୍ରବାହିତ ଦେବୀ ନଦୀରେ ବନ୍ୟା ପରିସ୍ଥିତି ଉପୁଜିବାର ଆଶଙ୍କା କମ ରହିଥିବା ବେଳେ ଆଳି ପିଙ୍ଗଳ ଜଳ ସେଚନ ବିଭାଗ ପକ୍ଷରୁ ସୂଚନା ମିଳିଛି ।
ତେବେ ବିଭାଗୀୟ ଅଧିକାରୀ କହିଛନ୍ତି ଯେ ବର୍ତମାନ ସୁଦ୍ଧା ଦେବୀନଦୀର ଜଳ ପତନ ଆଳି ପିଙ୍ଗଳ ଠାରେ 8 ମିଟର ରହିଛି । ଆଉ ବର୍ତମାନ ସୁଦ୍ଧା ନଦୀର ଜଳସ୍ତର ବିପଦ ସଙ୍କେତର ବହୁ ତଳେ ରହିଛି । ଯାହାକି ଆଳି ପିଙ୍ଗଳ ଠାରେ ଦେବୀ ନଦୀର ବିପଦ ସଙ୍କେତ 14 ମିଟର ରହିଛି । ତଥାପି ବି ଜିଲ୍ଲା ପ୍ରଶାସନର ନିର୍ଦ୍ଦେଶ କ୍ରମେ ବିଭିନ୍ନ ସ୍ଥାନରେ ହଜାର ହଜାର ସଂଖ୍ୟାରେ ବାଲିବସ୍ତା ମହଜୁଦ ରଖାଯିବା ସହ ନଦୀର ବନ୍ଧ କେଉଁଠାରେ ଦୁର୍ବଳ ରହିଛି ତାକୁ ଚିହ୍ନଟ କରାଯାଉଥିବା ନେଇ ଜଳ ପ୍ରକଳ୍ପ ଅଧିକାରୀ ସୂଚନା ଦେଇଛନ୍ତି ।
ସେପଟେ ଆଳି ପିଙ୍ଗଳ ଜଳ ସେଚନ ନିର୍ବାହୀ ଅଧିକାରୀଙ୍କ କହିବା କଥା ଯେ ପୂର୍ବ ବର୍ଷ ତୁଳନାରେ ଚଳିତ ବର୍ଷ ନଦୀର ବନ୍ଧକୁ ଅଧିକ ଏକ ମିଟର ଉଚ୍ଚତା କରାଯିବା ସହ ମଜଭୁତ ରଖା ଯାଇଛି । ଯାହାକୁ ନେଇ ନଦୀ କୁଳିଆ ଲୋକେ ଆତଙ୍କିତ ନ ହେବାକୁ ବିଭାଗ ପକ୍ଷରୁ ନିଦେବନ କରାଯାଇଛି । ତେବେ ବର୍ତ୍ତମାନ ସୁଦ୍ଧା ଦେବୀ ନଦୀରେ ବନ୍ୟା ଆଶଙ୍କା କମ ରହିଛି ।
ଏନେଇ ଅଧିକାରୀ ଜଣକ କହିଛନ୍ତି କି ପାଣିପାଗ ବିଭାଗ ପକ୍ଷରୁ ମିଳିଥିବା ସୂଚନାନୁଯାୟୀ ବର୍ଷା ହୁଏ ତେବେ ବନ୍ୟା ମୁକାବିଲା ପାଇଁ ବିଭାଗ ପ୍ରସ୍ତୁତ ରହିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
