ଜଗତସିଂହପୁର: ଜିଲ୍ଲାରେ ଉତ୍କଟ ହେବାରେ ଲାଗିଛି ମହାମାରୀ ସ୍ଥିତି । ଏମିତିରେ ଜିଲ୍ଲାରେ ଟେଷ୍ଟିଂ କିଟ ଅଭାବ ଯୋଗୁଁ କମିବାରେ ଲାଗିଛି ଟେଷ୍ଟିଂ ମାତ୍ରା । ଦିନକୁ ଦିନ ଟେଷ୍ଟିଂ ମାତ୍ରା କମିବା ସତ୍ତ୍ବେ ଆକ୍ରାନ୍ତ ସଂଖ୍ୟା ବଢିବାରେ ଲାଗିଛି । ଯାହା ଜିଲ୍ଲା ପ୍ରଶାସନ ପାଇଁ ମୁଣ୍ଡବ୍ୟଥାର କାରଣ ପାଲଟିଛି । ଏହିକ୍ରମରେ ଜିଲ୍ଲାରେ ଗତ 24 ଘଣ୍ଟାରେ 78ଟି ନୂଆ ସଂକ୍ରମଣ ମାମଲା ଚିହ୍ନଟ ହୋଇଥିବା ଜଣାପଡିଛି । ଏସମସ୍ତ ଆକ୍ରାନ୍ତଙ୍କୁ ହୋମ ଆଇସୋଲେସନରେ ରଖାଯାଇଛି ।
ତେବେ ଜିଲ୍ଲାରେ ସଦ୍ୟ ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ବାଲିକୁଦାରୁ 7, ବିରିଡିରୁ ଜଣେ, ଏରସମାରୁ 14, ଜଗତସିଂହପୁର ବ୍ଲକରୁ 15, କୁଜଙ୍ଗରୁ 8, ନାଉଗାଁରୁ 7, ପାରାଦ୍ବୀପରୁ 9, ରଘୁନାଥପୁରରୁ ଜଣେ, ଜଗତସିଂହପୁର ସହରରୁ 7 ଓ ତିର୍ତ୍ତୋଲରୁ 11 ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ଏରସମା ଥାନାରୁ ଜଣେ ପୋଲିସ ଅଧିକାରୀ ସଂକ୍ରମିତ ଥିବା ଜଣା ପଡିଛି। ଏହାକୁ ନେଇ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା 5301ରେ ପହଞ୍ଚିଛି । ସେମାନଙ୍କ ମଧ୍ୟରୁ 3993 ଜଣ ସୁସ୍ଥ ହୋଇ ସାରିଥିବା ବେଳେ 1301ଟି ସକ୍ରିୟ ମାମଲା ରହିଛି । ସେପଟେ କୋରୋନା ଜନିତ ମୃତ୍ୟୁ ସଂଖ୍ୟା 8ରେ ସ୍ଥିର ରହିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
