ଜଗତସିଂହପୁର: ଆଜି ବି ମନରୁ ଲିଭିନି 1999ର ମହାବାତ୍ୟା କଥା । ବାତ୍ୟା ନାଁ ଶୁଣିଲେ ଖାସ କରି ଜଗତସିଂହପୁରବାସୀଙ୍କ ଦେହ ଶିତେଇ ଉଠେ । ମହାବାତ୍ୟା ରଚିଥିବା ତାଣ୍ଡବକୁ ଆଜି ବି ଭୂଲି ପାରି ନାହାନ୍ତି ଲୋକେ । 1999 ମସିହାରେ ହୋଇଥିବା ପ୍ରଳୟଙ୍କାରୀ ବାତ୍ୟାରେ ହଜାର ହଜାର ଲୋକ ପ୍ରାଣ ହରାଇଥିଲେ । ମହାବାତ୍ୟା ଲୋକଙ୍କ ଅନେକ କ୍ଷତି କରିଥିଲା । ଯେଉଁ କ୍ଷତି ଆଜି ବି ଭରଣା ହୋଇ ପାରି ନାହିଁ । ମହାବାତ୍ୟାକୁ ଲୋକେ ଭୁଲି ନଥିବା ବେଳେ ପୁଣି ଦ୍ବାର ଖଟଖଟ କଲାଣି ଆଉ ଏକ ବାତ୍ୟା ।
ଭିଡିଓ ସୌଜନ୍ୟ: ପ୍ରତିନିଧି, ଜଗତସିଂହପୁର
ଆଉ କିଛି ଘଣ୍ଟା ପରେ ସ୍ଥଳଭାଗ ଛୁଇଁବ ଫନି । ପୁରୀ ଉପକୂଳରେ ଫନି ଲ୍ୟାଣ୍ଡଫଲ କରିବା ନେଇ ଅନୁମାନ କରାଯାଉଛି । ବାତ୍ୟା ମୁକାବିଲା ପାଇଁ ସରକାର ମଧ୍ୟ ପ୍ରସ୍ତୁତ । ଏପଟେ କିନ୍ତୁ ବାତ୍ୟାକୁ ନେଇ ଜଗତସିଂହପୁରବାସୀଙ୍କ କଣ ପ୍ରତିକ୍ରିୟା ରହିଛି । ସେଦିନର ସେହି ପ୍ରଳୟଙ୍କାରୀ ବାତ୍ୟାର ଅନୁଭୂତି ବାଣ୍ଟିଥିଲେ ବରିଷ୍ଠ ନାଗରିକ ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
