ଜଗତସିଂହପୁର: କୋରୋନାକୁ ନେଇ ସଜାଗ ଜଗତସିଂହପୁର ଜିଲ୍ଲା ପ୍ରଶାସନ । ଜିଲ୍ଲାର ପ୍ରମୁଖ ପର୍ଯ୍ୟଟନ ସ୍ଥଳୀ ମା' ଶାରଳା ଓ ବିଭୂତି କ୍ଷେତ୍ର ପ୍ରଭୁ ଗୋରଖନାଥଙ୍କ ପୀଠରେ କୋରୋନାକୁ ନେଇ ଲାଗିଛି ଅଘୋଷିତ କର୍ଫ୍ୟୁ । ଜନଶୂନ୍ୟ ହୋଇପଡିଛି ଦୁଇ ପ୍ରମୁଖ ପୀଠ । ଦୈନିକ ହଜାର ହଜାର ଦର୍ଶନାର୍ଥୀଙ୍କ ଗହଳି ଲାଗି ରହୁଥିବା ଏହି ପୀଠରେ ଏବେ କାଉ କୋଇଲି ବି ଉଡୁନଥିବା ଦେଖିବାକୁ ମିଳିଛି ।
ଜନଶୂନ୍ୟ ମା' ଶାରଳା ଓ ଗୋରେଖନାଥଙ୍କ ପୀଠ
ଏଠାରେ ନିସ୍ତବ୍ଧର ଚାଲୁଛି ରାଜୁତି । ସନ୍ଧ୍ୟା ନଇଁଲେ ପାଳିଆ ସେବକ ମାନେ ନୀତି ସାରି ଚାଲିଯାଉଛନ୍ତି ନିଜ ନିଜ ଘରକୁ । ଏହି 2 ପୀଠରେ 144 ଲାଗୁ କରାଯାଇଥିବାରୁ ପୋଲିସ ମୁତୟନ କରାଯାଇଛି । ଅନ୍ୟପଟେ ଶାରଳା ମନ୍ଦିର ଓ ଗୋରଖନାଥଙ୍କ ମନ୍ଦିରକୁ ବସ ଚଳାଚଳ ବନ୍ଦ ରହିଛି ।
ମନ୍ଦିର ବେଢା ମଧ୍ୟକୁ ପାଳିଆ ସେବକ ଓ କର୍ମଚାରୀଙ୍କ ବ୍ୟତୀତ ଅନ୍ୟମାନଙ୍କ ପ୍ରବେଶ ଉପରେ କଟକଣା ଜାରି ହୋଇଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
