ଜଗତସିଂହପୁର: ଜିଲ୍ଲାରେ ଚଳିତ ବନ୍ୟା ଯୋଗୁଁ ବ୍ୟାପକ ଫସଲ ହାନି ହୋଇଛି । ବିଶେଷ କରି କୁଜଙ୍ଗ ତର୍ତ୍ତୋଲ ନାଉଗାଁ ଅଞ୍ଚଳରେ ବନ୍ୟାପଣି ମାଡ଼ିଆସିବା ଯୋଗୁଁ ଧାନଚାଷ ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ଜିଲ୍ଲା କୃଷି ଅଧିକାରୀ ରାଜକିଶୋର ଦାସଙ୍କ କହିବା ଅନୁଯାୟୀ ଜିଲ୍ଲାରେ ମୋଟ ୪ ହଜାର ହେକ୍ଟର ଚାଷଜମି ସମ୍ପୂର୍ଣ୍ଣ ଧୋଇ ଯାଇଛି ।
ଏହାକୁ ନେଇ ଜିଲ୍ଲା କୃଷି ବିଭାଗର ରିପୋର୍ଟ ଅନୁସାରେ ପ୍ରଶାସନ ପକ୍ଷରୁ ରାଜ୍ୟ ସରକାରଙ୍କୁ ଅବଗତ କରାଯାଇଛି । ସଅଳ ଚାଷ ପାଇଁ ସୁଲଭ ମୂଲ୍ୟରେ ଉନ୍ନତମାନର ଧାନ ବିହନ, ମୁଗ, ବିରି ଓ ଚିନା ବାଦାମ ମଞ୍ଜି କୃଷି ବିଭାଗ ପକ୍ଷରୁ ଯୋଗାଇ ଦିଆଯିବ ବୋଲି କୃଷି ବିଭାଗ ପକ୍ଷରୁ କୁହାଯାଇଛି । ସେହିପରି ବନ୍ୟାଯୋଗୁ ଧାନ ଫସଲ ସମ୍ପୂର୍ଣ୍ଣ ନଷ୍ଟ ହୋଇଥିବା ଜଳ ସେଚିତ ଜମି ବାବଦରେ ହେକ୍ଟର ପିଛା 13 ହଜାର500 ଟଙ୍କା ପ୍ରଦାନ କରାଯିବ।
ସେହିପରି ଅଣ ଜଳ ସେଚିତ ଜମି ବାବଦରେ ବିଭାଗ ପକ୍ଷରୁ ହେକ୍ଟର ପିଛା 6 ହଜାର 800 ଟଙ୍କା କ୍ଷେତି ପୂରଣ ଚାଷୀଙ୍କୁ ପ୍ରଦାନ କରାଯିବ। ଜିଲ୍ଲାରେ ଭାଗ ଚାଷୀ ମାନଙ୍କ ପାଇଁ ବିଚାର ବିମର୍ଷ କରାଯାଉଥିବା କୃଷି ଅଧିକାରୀ କହିଛନ୍ତି ।
ଇଟିଭି ଭାରତ, ଜଗତସିଂହପୁର
