ଜଗତସିଂହପୁର: ଉପକଣ୍ଠ ଗାଉଡୁନି ପଡିଆ ନିକଟରେ ଜିଲା ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ 17.50 ଗ୍ରାମର ବ୍ରାଉନସୁଗାର ଜବତ କରାଯାଇଛି । ଏହି ଘଟଣାରେ ଜଣକୁ ଗିରଫ କରାଯାଇଥିବା ସୂଚନା ରହିଛି । ଗିରଫ ଅଭିଯୁକ୍ତଙ୍କ ନାମ ଟିକି ମହମ୍ମଦ। ଜବତ ବ୍ରାଉନସୁଗାରର ମୂଲ୍ୟ 1 ଲକ୍ଷ 75 ହଜାର ଟଙ୍କା ହେବ ବୋଲି ଆକଳନ କରାଯାଉଛି ।
ଲକ୍ଷାଧିକ ଟଙ୍କାର ବ୍ରାଉନସୁଗାର ଜବତ, ଜଣେ ଗିରଫ
ମିଳିଥିବା ସୂଚନା ଅନୁସାରେ ଅଭିଯୁକ୍ତ ଜଣକ ଦୀର୍ଘ ଦିନ ଧରି ସ୍ଥାନୀୟ କଂସା କ୍ଷୀରବାଟି ଗ୍ରାମରେ ବ୍ରାଉନସୁଗାର କାରବାର କରିଆସୁଥିଲା । ଆଜି କୌଣସି ସୂତ୍ରରୁ ଖବର ପାଇ ଅବକାରୀ ବିଭାଗର ଅଧିକାରୀମାନେ ଅତର୍କିତ ଚଢ଼ାଉ କରି ଅଭିଯୁକ୍ତକୁ ଧରିଥିଲେ ।
ଜିଲ୍ଲାର ବିଭିନ୍ନ ସ୍ଥାନରେ ବ୍ରାଉନ ସୁଗାର କାରବାର ଚାଲୁଥିବା ଦେଖିବାକୁ ମିଳୁଛି। ଯୁବବର୍ଗ ଏହାକୁ ନେଇ କୁପଥଗାମୀ ହେଉଛନ୍ତି । ଗଳିକନ୍ଦିରେ ଏବେ ବ୍ରାଉନସୁଗାରର ପସରା ମେଲିଛି । ଏହାକୁ ନେଇ ବୁଦ୍ଧିଜୀବୀ ମାନେ ଉଦବେଗ ପ୍ରକାଶ କରିଛନ୍ତି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
