ଜଗତସିଂହପୁର: ସହରରେ ପୁଣି ବ୍ରାଉନସୁଗର ମାଫିଆଙ୍କ ଦୌରାତ୍ମ୍ୟ ବଢ଼ିବାରେ ଲାଗିଛି । ବାଲେଶ୍ବରରୁ ଜଗତସିଂହପୁର ପର୍ଯ୍ୟନ୍ତ ଧଳାଜହରର ଚେର ଲମ୍ବିଥିବା ପୋଲିସ ତଦନ୍ତରୁ ଜଣାପଡିଛି । ଶୁକ୍ରବାର ସନ୍ଧ୍ୟାରେ ପୋଲିସ ପାଟ୍ରୋଲିଂ କରୁଥିବା ସମୟରେ ସ୍ଥାନୀୟ ଗୋପାଳ ସାଗର ନିକଟରେ ଏକ ସନ୍ଦିଗ୍ଧ ବ୍ୟକ୍ତି ଗୋଲାପୀ ରଙ୍ଗର ଏକ ବ୍ୟାଗ ଧରି ଛିଡା ହୋଇଥିବା ବେଳେ ପୋଲିସକୁ ଦେଖି ଦୌଡିଥିଲେ ।
ଲକ୍ଷାଧିକ ଟଙ୍କା ସହ ବ୍ରାଉନ ସୁଗର ଜବତ
ପୋଲିସ ଏହା ଦେଖି ସନ୍ଦିଗ୍ଧ ବ୍ୟକ୍ତିଙ୍କୁ ଗୋଡ଼ାଇ ଥାନାକୁ ଆଣିବା ସହ ବ୍ୟାଗକୁ ଚେକ କରିବାରୁ ସେଥିରେ 18.30 ଗ୍ରାମର ବ୍ରାଉନସୁଗର ସମେତ 1 ଲକ୍ଷ 40 ହଜାର ଟଙ୍କା ଜବତ କରିଛି। ତେବେ ସନ୍ଦିଗ୍ଧ ବ୍ୟକ୍ତି ଜଣଙ୍କ ବାଲେଶ୍ଵର ଜିଲ୍ଲାର ସରୋଜ କୁମାର ମଲ୍ଲିକ ବୋଲି କହିଛି । ସେ ବ୍ରାଉନସୁଗର ବିକ୍ରି ପାଇଁ ଜଗତସିଂହପୁର ଆସିଥିବା ପୋଲିସ ଆଗରେ ପ୍ରକାଶ କରିଛି । ପୋଲିସ ଅଭିଯୁକ୍ତ ଥାନାରେ ଅଟକ ରଖି ପଚରାଉଚରା ଜାରି ରଖିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
