ଜଗତସିଂହପୁର: ସଦର ଥାନା ଅନ୍ତର୍ଗତ ମଣ୍ଡାସାହି ଅଞ୍ଚଳରେ ବଧୂ ହତ୍ୟା ଅଭିଯୋଗ ହୋଇଛି । ସୂଚନା ଅନୁଯାୟୀ ମଧୁସୂଦନପୁର ଗ୍ରାମର କଳ୍ପନା ସ୍ୱାଇଁ ସ୍ଥାନୀୟ କୋଶିଦା ଅଞ୍ଚଳରେ ବସନ୍ତ ମହାପାତ୍ର କୁ ଏକବର୍ଷେ ତଳେ ବିବାହ କରିଥିଲେ ।
ଗତ କିଛିଦିନ ହେବ ସ୍ୱାମୀ ସ୍ତ୍ରୀ ଓ ପରିବାରଙ୍କ ମଧ୍ୟରେ କଳହ ଲାଗିରହୁଥିଲା । ଫଳରେ କଳ୍ପନା ବାପ ଘରକୁ ଆସି କହିବା ପରେ ବାପ ଘରେ ଲୋକେ ଯାଇ ସମାଧାନ କରି ଆସୁଥିଲେ। କିନ୍ତୁ ବିଧି ର ବିଧାନ ଥିଲା କିଛି ଅଲଗା। କଳ୍ପନାଙ୍କ ଭାଇ ଖବର ପାଇଥିଲେ ଭଉଣୀ ଅସୁସ୍ଥ ହୋଇ ମଣ୍ଡାସାହି ମେଡିକାଲ ରେ ଚିକିତ୍ସିତ ହେଉଛନ୍ତି । ସେଠାରେ ପହଞ୍ଚିଲା ବେଳକୁ କଳ୍ପନା ର ମୃତଦେହ ପଡିଥିବା ଦେଖିବାକୁ ପାଇଥିଲେ। ପରେ ଡାକ୍ତର ମୃତଦେହ କୁ ଜଗତସିଂହପୁର ମୁଖ୍ୟ ଡ଼ାକ୍ତରଖାନା ସ୍ଥାନାନ୍ତର କରିଥିଲେ ।
ଖବର ପାଇ ଜଗତସିଂହପୁର ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହିତ ସ୍ଵାମୀ ବସନ୍ତ ମହାପାତ୍ର, ଶାଶୁ ଜଣେ ପଡ଼ୋଶୀ ମହିଳା ଙ୍କୁ ଗିରଫ କରିଛି । ଚେନରେ ତଣ୍ଟି ଚିପି ହତ୍ୟା କରାଯାଇଥିବା ଅଭିଯୋଗ କରିଛନ୍ତି ବାପଘର ଲୋକେ । ପୋଲିସ ପ୍ରାଥମିକ ତଦନ୍ତ ଆରମ୍ଭ କରିଥିବାବେଳେ ପୋଷ୍ଟମଟମ ରିପୋର୍ଟ ଆସିଲେ ଘଟଣାର ସତ୍ୟା ସତ୍ୟ ପଦାକୁ ଆସିବ ବୋଲି କହିଛି ପୋଲିସ ।
ଜଗତସିଂହପୁର ସୁଶାନ୍ତ ପାତ୍ର, ଇଟିଭି ଭାରତ
