ଜଗତସିଂହପୁର: ଜିଲ୍ଲାର ନୂତନ ଜିଲ୍ଲାପାଳ ଭାବେ ସଂଗ୍ରାମ କେଶରୀ ମହାପାତ୍ର ଯୋଗଦେବା ପରେ ବଢ଼ିଯାଇଛି ଦୁର୍ନୀତି ଗ୍ରସ୍ତ କର୍ମଚାରୀଙ୍କ ଚିନ୍ତା । ଜିଲ୍ଲାର 2ଟି ପୌରପରିଷଦ ଓ ସମସ୍ତ 8ଟି ଯାକ ବ୍ଲକର BDO ଏବଂ ତହସିଲଦାରଙ୍କୁ ହେଡ଼କ୍ୱାର୍ଟର ନ ଛାଡିବାକୁ କଡ଼ାକଡ଼ି ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ । ଜିଲ୍ଲାର ସ୍ୱାସ୍ଥ୍ୟ ବିଭାଗ , ଅବକାରୀ ବିଭାଗ, ବିଦ୍ୟୁତ ବିଭାଗର କାର୍ଯ୍ୟ ଉପରେ ଜିଲ୍ଲାପାଳ ଅସନ୍ତୋଷ ପ୍ରକାଶ କରିଛନ୍ତି ।
ଭିିଡିଓ ସୌଜନ୍ୟ- ପ୍ରତିନିଧି, ଜଗତସିଂହପୁର
ଆଗାମୀ ଦିନରେ ଯଦି ଏହି ଭଳି କାର୍ଯ୍ୟ ଜାରି ରହେ ତେବେ ,କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ରୋକଠୋକ ଶୁଣାଇ ଦେଇଛନ୍ତି ଜିଲ୍ଲାପାଳ । ଜିଲ୍ଲାର ପ୍ରାଚୀନ ଶକ୍ତିପୀଠ ମାଆ ଶାରଳାଙ୍କ ମନ୍ଦିର ଅବହେଳିତ ହୋଇ ପଡ଼ିଥିବାରୁ ଜିଲ୍ଲାପାଳ ଉଦବେଗ ପ୍ରକାଶ କରିଛନ୍ତି । ତୁରନ୍ତ ଚନ୍ଦନ ପୁଷ୍କରିଣୀକୁ ସଫା କରିବାକୁ ଉପଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
