ଜଗତସିଂହପୁର: ଜଣେ ଯୁବତୀଙ୍କୁ ବିବାହର ପ୍ରତିଶୃତି ଦେଇ ବାରମ୍ବାର ଦୁଷ୍କର୍ମ କରିବା ଅଭିଯୋଗରେ ଜଗତସିଂହପୁର ପୋଲିସ ଜଣେ ଯୁବକକୁ ଗିରଫ କରିଛି । ପୋଲିସ ସୂଚନା ଅନୁସାରେ ତିର୍ତ୍ତୋଲ ଥାନା ଅନ୍ତର୍ଗତ ବାଲିବିଶି ଗ୍ରାମର ସେକ ଅକରମ ନାମକ ଜଣେ ଯୁବକ ପିଡିତାଙ୍କ ଭାଇ ସହିତ ପୂର୍ବରୁ ବନ୍ଧୁତା ଥିଲା । ଏହାକୁ ନେଇ ସେ ପିଡିତାଙ୍କ ଘରକୁ ଯିବା ଆସିବା କରୁଥିଲେ । ଏହା ଭିତରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା ।
ଯୁବତୀଙ୍କୁ ଦୁଷ୍କର୍ମ ଅଭିଯୋଗରେ ଯୁବକ ଗିରଫ
ବିବାହର ପ୍ରତିଶୃତି ଦେଇ ଅଭିଯୁକ୍ତ ସେକ ଅକରମ ପିଡିତାଙ୍କୁ ବିଭିନ୍ନ ସ୍ଥାନକୁ ନେଇ ଏକାଧିକ ବାର ଦୁଷ୍କର୍ମ କରିଥିଲା । ଏଥିରେ ପିଡିତା ଜଣଙ୍କ ଗର୍ଭବତୀ ହେବାରୁ ଅଭିଯୁକ୍ତ ଫେରାର ହୋଇ ଯାଇଥିଲା । ଏସମ୍ପର୍କରେ ପିଡିତା ଜଣକ ଜଗତସିଂହପୁର ଥାନାରେ ଅଭିଯୋଗ କରିବା ପରେ ପୋଲିସ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
