ଜଗତସିଂହପୁର: ପାରାଦୀପ ଅବକାରୀ ବିଭାଗ ଚଢ଼ାଉ କରି ୫୫ କିଲୋ ଗଞ୍ଜେଇ ସହିତ ଗୋଟିଏ ଟୟୋଟା ଇଟିୟସ କାରକୁ ଜବତ କରିଛି । ସୂଚନା ମୁତାବକ ପାରାଦୀପ ନିକଟସ୍ଥ ଭୁତମୁଣ୍ଡାଇ ଛକ ନିକଟରେ ଆଜି ସକାଳୁ କୌଣସି ସୁତ୍ରରୁ ଖବର ପାଇ ଅବକାରୀ ବିଭାଗ ଚଢ଼ାଉ କରିଥିଲା ।
ଏହି ଚଢାଉରେ ବିପୁଳ ପରିମାଣର ଗଞ୍ଜେଇ ଜବତ କରିଥିବା ବେଳେ ଘଟଣାସ୍ଥଳରୁ ଗଞ୍ଜେଇ ଚାଲାଣକାରୀ ଫେରାର ହୋଇ ଯାଇଥିବା ସୂଚନା ଦେଇଛନ୍ତି ଅବକାରୀ ଥାନା ଅଧିକାରୀ । ତେବେ ଏହି ଜବତ ଗଞ୍ଜେଇର ମୂଲ୍ୟ ପ୍ରାୟ ୫ ଲକ୍ଷ ଟଙ୍କାରୁ ଅଧିକ ହେବ ବୋଲି ଅନୁମାନ କରାଯାଉଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ