ଜଗତସିଂହପୁର: କାର୍ଯ୍ୟରେ ଅବହେଳା ପ୍ରଦର୍ଶନ ପଡିଲା ମହଙ୍ଗା । ନିଲମ୍ବିତ ହେଲେ ତିନି ପୋଲିସ ଅଧିକାରୀ । ଯାହାକୁ ନେଇ ଜଗତସିଂହପୁର ପୋଲିସ ବିଭାଗରେ ଚର୍ଚ୍ଚା ଜୋର ଧରିଛି । ଜିଲ୍ଲା ପୋଲିସ ମୁଖ୍ୟାଳୟ ସୂତ୍ରରୁ ଖବର ଅନୁସାରେ ଜିଲ୍ଲା ଆରକ୍ଷୀ ଅଧିକ୍ଷକ ଅଖିଳେଶ୍ୱର ସିଂ, ଜଣେ ମହିଳା ଏଏସଆଇ ରିଲୁପ୍ରଭା ବେହେରାଙ୍କ ସମେତ ଦୁଇ ମହିଳା କନେଷ୍ଟବଳ ରଶ୍ମି ରେଖା ଦାସ ଓ ମାୟାମୟୀ ବର୍ଦ୍ଧନଙ୍କୁ କାର୍ଯ୍ୟରୁ ନିଲମ୍ବିତ କରିଛନ୍ତି ।
ଏହି ମହିଳା କର୍ମଚାରୀ ମାନେ ଜଗତସିଂହପୁର ଅଦାଲତରେ କାର୍ଯ୍ୟ କରିଆସୁଥିଲେ । ତେବେ ଏମାନଙ୍କ ନାମରେ କାର୍ଯ୍ୟରେ ଅବହେଳା ଅଭିଯୋଗ ଆସିଥିଲା । ଯାହାକୁ ନେଇ SP ଏହାର ତଦନ୍ତ ପାଇଁ ଉପ ସହକାରୀ ଆରକ୍ଷୀଙ୍କୁ ନିର୍ଦ୍ଦେଶ ଦେଇଥିଲେ । ଆଜି ରିପୋର୍ଟ ମିଳିବା ପରେ ଏହି ତିନି ପୋଲିସ କର୍ମଚାରୀଙ୍କୁ କାର୍ଯ୍ୟରୁ ନିଲମ୍ବିତ କରାଯାଇଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
