ଭଞ୍ଜନଗର: ଗଞ୍ଜାମ ଜିଲ୍ଲା ଆସିକା ଥାନା କଇଁଫୁଲିଆ କେନାଲକୁ ଡେଇଁ ଯୁବକ ମୃତ l ମୃତ ଯୁବକ ହେଲେ ଚିନି ଶିଳ୍ପ ନୂଆଗାଁର 30 ବର୍ଷୀୟ ନିହାର ରଞ୍ଜନ ନାୟକ l ନିହାର ଶୁକ୍ରବାର ସନ୍ଧ୍ୟା ସମୟରେ କୌଣସି କାମରେ ଆସିକା ଅଭିମୁଖେ ଆସିଥିଲେ l
କଇଁଫୁଲିଆ କେନାଲକୁ ଡେଇଁ ଯୁବକ ମୃତ
କିଛି ସମୟ ପରେ ତାଙ୍କ ଶରୀର କଇଁଫୁଲିଆ କେନାଲ ନିକଟରେ ପଡିଥିବା ଦେଖିବାକୁ ମିଳିଥିଲା l ସ୍ଥାନୀୟ ଲୋକେ ଆସିକା ପୋଲିସକୁ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଯୁବକକୁ ଉଦ୍ଧାର କରି ଆସିକା ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିବା ବେଳେ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ l
ପୋଲିସ ମୃତଦେହ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିବା ସହିତ ତଦନ୍ତ ଜାରି ରଖିଛି l
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
