ବ୍ରହ୍ମପୁର: ବୁଧବାର ଜିଲ୍ଲା ପ୍ରଶାସନର ଦ୍ବାରସ୍ଥ ହୋଇଛନ୍ତି ମୀନା ଟ୍ରଷ୍ଟରେ କାର୍ଯ୍ୟରତ ମହିଳା କର୍ମଚାରୀ । ରାଜ୍ୟ ସରକାରଙ୍କ ମିଡ-ଡେ ମିଲ ଏବଂ ଆହାର ଯୋଜନାରେ ରନ୍ଧା ଖାଦ୍ୟ ଯୋଗାଇବାରେ ସହଯୋଗ କରିବା ପାଇଁ ବ୍ରହ୍ମପୁର ସହରରେ ଏହାର ପରିଚାଳନା ଦାୟିତ୍ବ ନେଇଥିଲା ମୀନା ଟ୍ରଷ୍ଟ । ହେଲେ ଗତ ୧୧ ବର୍ଷ ଧରି ଏହି ମହିଳା ଶ୍ରମିକ ମାନେ ନିରବଚ୍ଛିନ୍ନ ଭାବରେ କାର୍ଯ୍ୟରତ ହୋଇ ସେବା ଯୋଗାଇ ଆସୁଥିବା ବେଳେ ଅନ୍ୟ ଏକ ଠିକା ସଂସ୍ଥାକୁ ଏମାନଙ୍କ ଦାୟିତ୍ବ ପ୍ରଦାନ କରିବାକୁ ଯୋଜନା ଚାଲିଥିବା ବେଳେ ଏହାକୁ ବିରୋଧ କରିଛନ୍ତି ମହିଳା କର୍ମଚାରୀମାନେ ।
ଏନେଇ ସେମାନେ ଜିଲ୍ଲା ଶ୍ରମ ବିଭାଗକୁ ଅବଗତ କରାଇବା ପରେ ଶେଷରେ ବ୍ରହ୍ମପୁର ଉପଜିଲ୍ଲାପାଳଙ୍କୁ ସାକ୍ଷାତ କରି ଘଟଣା ସମ୍ପର୍କରେ ଏକ ଲିଖିତ ପତ୍ର ପ୍ରଦାନ କରିଛନ୍ତି । ଗତ କିଛି ବର୍ଷ ପୁର୍ବରୁ ଏଭଳି ଠିକା ସଂସ୍ଥାକୁ ଦାୟିତ୍ବ ପ୍ରଦାନ କରାଯାଇ ସେମାନେ ନାନା ହଇରାଣ ହରକତ ହୋଇଥିବାର ନଜର ରହିଥିବା ବେଳେ ଶେଷରେ ଜିଲ୍ଲା ପ୍ରଶାସନ ହସ୍ତକ୍ଷେପ କରି ଏହାର ସମାଧାନ କରିଥିଲା ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
