ଭଞ୍ଜନଗର: ଜିଲ୍ଲାର ସୋରଡ଼ା ଥାନା ଗୋବିନ୍ଦପୁର ଅଞ୍ଚଳରେ ଅଭାବନୀୟ ଘଟଣା ଦେଖିବାକୁ ମିଳିଛି । ଶାଶୁ ଘରୁ ବୋହୂର ମୃତଦେହ ଉଦ୍ଧାର ହୋଇଛି । ପ୍ରାଥମିକ ତଦନ୍ତରୁ ହତ୍ୟା କରାଯାଇଥିବା ସନ୍ଦେହ କରୁଛି ପୋଲିସ । ମୃତକ ଜଣକ ହେଲେ କୌଶଲ୍ୟା ଗୌଡ଼ । ସେ 9 ବର୍ଷ ପୂର୍ବେ ଗୋବିନ୍ଦପୁର ଗ୍ରାମର ଗୋବରା ଗୌଡ଼ଙ୍କୁ ବିବାହ କରିଥିଲେ ।
ମହିଳାଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
ଗତକାଲି ବିଳମ୍ବିତ ରାତିରେ କୌଶଲ୍ୟାଙ୍କୁ ସାପ କାମୁଡିଥିବାରୁ ତାଙ୍କର ମୃତ୍ୟୁ ହୋଇଥିବା କଥା ଶ୍ବଶୁର ଘର ଲୋକ ତାଙ୍କ ବାପାଙ୍କୁ ଫୋନ କରି ଜଣାଇଥିଲେ । ଆଜି ସକାଳୁ ବାପ ଘର ଲୋକେ ଯୌତୁକ ପାଇଁ ଝିଅକୁ ତଣ୍ଟି ଚିପି ମାରିଦେଇଥିବା ସୋରଡ଼ା ଥାନାରେ ଏତଲା ଦେଇଥିଲେ । ଏତଲାକୁ ଭିତ୍ତିକରି ସୋରଡ଼ା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହିତ ସ୍ୱାମୀକୁ ଥାନାରେ ଅଟକ ରଖିଛି । ମୃତଦେହ ବ୍ୟବଛେଦ ପାଇଁ ଭଞ୍ଜନଗର ମେଡିକାଲକୁ ପଠା ଯାଇଛି । ବ୍ୟବେଛେଦ ରିପୋର୍ଟ ଆସିବା ପରେ ହତ୍ୟାର ପ୍ରକୃତ କାରଣ ଜଣାପଡିବ ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
