ଭଞ୍ଜନଗର: ଭଞ୍ଜନଗର ଥାନା ଅନ୍ତର୍ଗତ କେବିରିବ୍ରହ୍ମପୁର ଗ୍ରାମରୁ ବିଦେଶୀ ମଦ ବୋଝେଇ ଟ୍ରକ ଜବତ । ଡ୍ରାଇଭର ହେଲ୍ପର ଅଟକ ପୋଲିସର ତଦନ୍ତ ଆରମ୍ଭ । ସୂଚନା ପ୍ରକାରେ ଆଜି କୌଣସି ସୂତ୍ରରୁ ଖବର ପାଇ ଭଞ୍ଜନଗର ଉପଜିଲ୍ଲାପାଳ ରାଜେନ୍ଦ୍ର ମିଞ୍ଜ ଓ ବେଲଗୁଣ୍ଠା ଅତିରିକ୍ତ ତହସିଲଦାର ଧରଣୀଧର ବେହେରା ମିଳିତ ଭାବେ କେବିରିବ୍ରହ୍ମପୁର ଗ୍ରାମରେ ଚଢ଼ାଉ କରିଥିଲେ ।
ଲକ ଡାଉନରେ ମଦ ଜବତ, କାର୍ଯ୍ୟାନୁଷ୍ଠାନ ନିର୍ଦେଶ
ଟ୍ରକକୁ ଯାଞ୍ଚ କଲାବେଳେ ଦେଖିବାକୁ ପାଇଲେ ବିଦେଶୀ ମଦ ଭର୍ତ୍ତି ହୋଇଛି । ଏହାପରେ ସଙ୍ଗେସଙ୍ଗେ ଟ୍ରକ ଟିକୁ ଜବତ କରି ଭଞ୍ଜନଗର ପୋଲିସକୁ ହସ୍ତାନ୍ତର କରାଯାଇଛି । କୋରୋନା ମହାମାରୀ ଯୋଗୁଁ ଲକଡାଉନ ଥିବାବେଳେ ସବୁ ଦୋକାନ ବଜାର ବନ୍ଦ ବିଦେଶୀ ମଦ ଦୋକାନ ମଧ୍ୟ ବନ୍ଦ ତଥାପି ଏତେ ସଂଖ୍ୟାରେ ମଦ କେଉଁଠୁ ଆସି କେଉଁଠି କୁ ଯାଉଥିଲା । କିନ୍ତୁ ଏମାନଙ୍କ ବିରୋଧରେ ମାମଲା ରୁଜୁ ହେବା ନେଇ ସୂଚନା ଦେଇଛନ୍ତି ଉପଜିଲ୍ଲାପାଳ ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
