ଗଞ୍ଜାମ: ଶୌଚ ହୋଇ ଫେରୁଥିବାବେଳେ ଧକ୍କା ଦେଲା ଅଜଣା ଗାଡି । ଲିଭିଗଲା ଦୁଇ ଜୀବନ ଦୀପ । ଗଞ୍ଜାମ ଜିଲ୍ଲା କବିସୂର୍ଯ୍ୟନଗରର ସହରରେ ଥିବା ମର୍ଦରାଜ ହାଇସ୍କୁଲ ସମ୍ମୁଖରେ ଘଟିଛି ଏହି ଦୁର୍ଘଟଣା ।
ଅଜଣା ଗାଡି ଧକ୍କାରେ ଚାଲିଗଲା ଦୁଇ ଜୀବନ
ସୂଚନାଅନୁସାରେ କବିସୂର୍ଯ୍ୟନଗର ସହର ଶିଖରପୁର ସାହିର ସପନୀ ଦାଶ ଓ ଅଜିତ ଦାଶ ବନଦେବୀ ଛକ ନିକଟରୁ ଶୌଚ ହୋଇ ବାଇକରେ ଫେରୁଥିଲେ । ଏହି ସମୟରେ ମର୍ଦରାଜ ହାଇସ୍କୁଲ ଆଗରେ ଏକ ଅଜଣା ଟ୍ରକ ସେମାନଙ୍କୁ ଧକ୍କା ଦେଇଥିଲା । ଫଳରେ ସେଇଠି ହିଁ ଦୁହିଁଙ୍କ ଜୀବନ ଚାଲିଯାଇଛି । ପରିବାର ଲୋକଙ୍କ କାନ୍ଦ ବୋବାଳିରେ ଫାଟି ପଡୁଛି ସ୍ଥାନୀୟ ଅଞ୍ଚଳ । ଆଖି ପିଛୁଳାରେ କଣ ହୋଇଗଲା ବିଶ୍ବାସ କରିପାରୁ ନାହାନ୍ତି ଘର ଲୋକ ।
ଟ୍ରକ ଡ୍ରାଇଭର ଘଟଣାସ୍ଥଳରୁ ଫେରାର ଅଛି । ସୂଚନା ପାଇ କବିସୂର୍ଯ୍ୟନଗର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି । ଏହାସହ ଘଟଣାର ତଦନ୍ତ ଆରମ୍ଭ କରିଛି ପୋଲିସ ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
