ବ୍ରହ୍ମପୁର: ମାଷ୍ଟର୍ସ ଗେମସରେ ଜିଲ୍ଲାର ଦୁଇ ପ୍ରତିଯୋଗୀଙ୍କ ସଫଳତା । ବେଙ୍ଗାଲୁରୁ ଠାରେ ଅନୁଷ୍ଠିତ ପ୍ରଥମ ପାନ୍ ଇଣ୍ଡିଆ ମାଷ୍ଟର୍ସ ଗେମ୍ସରେ ବ୍ରହ୍ମପୁର ସହରର ଦୁଇ ଜଣ ପ୍ରତିଯୋଗୀ ଭାଗ ନେଇ ସଫଳତା ଅର୍ଜନ କରିଛନ୍ତି । ଏହି କୃତି ପ୍ରତିଯୋଗୀମାନେ ହେଲେ ବ୍ରହ୍ମପୁର ସହରର ଟୁକୁ ସେଠୀ ଓ ଜିତେନ୍ଦ୍ର ଧର । ଉଭୟ ଦୌଡ଼ ଓ ଲମ୍ବଡିଆଁ ପ୍ରତିଯୋଗିତାରେ ୨ଟି ସ୍ବର୍ଣ୍ଣ ପଦକ ସମେତ ୨ଟି ରୌପ୍ୟ ଓ ୨ଟି ବ୍ରୋଞ୍ଜ ପଦକ ହାସଲ କରିଛନ୍ତି ।
୪୦ ବର୍ଷରୁ ଅଧିକ ବର୍ଗରେ ଭାଗ ନେଇଥିବା ଟୁକୁ ସେଠୀ ୪୦୦ ମିଟର ରିଲେ ଦୌଡ଼ରେ ସ୍ବର୍ଣ୍ଣ ପଦକ ହାସଲ କରିଥିବା ବେଳେ ୨୦୦ ମିଟର ଦୌଡ଼ରେ ରୈପ୍ୟ, ୧୦୦ ମିଟର ଦୌଡ଼ ଓ ଲମ୍ବଡିଆଁ ପ୍ରତିଯୋଗିତାରେ ବ୍ରୋଞ୍ଜ ପଦକ ହାସଲ କରିଛନ୍ତି । ସେହିପରି ୫୦ ବର୍ଷରୁ ଅଧିକ ବର୍ଗରେ ଜିତେନ୍ଦ୍ର ଧର ୨୦୦ ମିଟର ଦୌଡ଼ରେ ସ୍ବର୍ଣ୍ଣ ପଦକ ପାଇଥିବା ବେଳେ ୧୦୦ ମିଟର ଦୌଡ଼ରେ ରୌପ୍ୟ ପଦକ ହାସଲ କରିଛନ୍ତି । ତେବେ ଉଭୟ ଆଗାମୀ ଦିନରେ ଆନ୍ତର୍ଜାତୀୟ ସ୍ତରରେ ଆୟୋଜିତ ହେବାକୁ ଥିବା କ୍ରୀଡ଼ାରେ ଭାଗ ନେବା ପାଇଁ ଚୟନ ହୋଇଛନ୍ତି । ଏହି ଅବସରରେ ଦୁଇ କ୍ରୀଡାବିତଙ୍କ ସହ ଆଲୋଚନା କରିଛନ୍ତି ଇଟିଭି ବ୍ରହ୍ମପୁର ପ୍ରତିନିଧି ସମୀର ଆଚାର୍ଯ୍ୟ ।
