ଗଞ୍ଜାମ: ଗାଙ୍ଗପୁର ଥାନା ଅନ୍ତର୍ଗତ ପାଣି ଫ୍ୟାକ୍ଟ୍ରି ଠାରେ ଦର୍ପ ନାମକ ଘରୋଇ ମିନି ବସ ଦୁର୍ଘଟଣାଗ୍ରସ୍ତ । ଦୁର୍ଘଟଣାରେ ଜଣେ ମୃତ ଓ ଦଶରୁ ଉର୍ଦ୍ଧ୍ବ ଆହାତ । ମୃତକ ଗୋବର୍ଦ୍ଧନ ଜେନା ତନରଡା ଗ୍ରାମର ବୋଲି ଜଣାପଡିଛି ।
ଭିଡିଓ ସୌଜନ୍ୟ : ପ୍ରତିନିଧି, ଗଞ୍ଜାମ
ସୂଚନା ଅନୁଯାୟୀ ଗତକାଲି ତନରଡା ଗ୍ରାମରୁ ନିର୍ବନ୍ଧ କାର୍ଯ୍ୟକ୍ରମରେ ଯୋଗ ଦେବା ପାଇଁ କିଛି ଲୋକ ଏହି ବସ ଯୋଗେ ବୋରି ଗ୍ରାମକୁ ଯାଇଥିଲେ । ସେଠାରୁ ନିର୍ବନ୍ଧ କାର୍ଯ୍ୟକ୍ରମ ସାରି ଫେରୁଥିବାବେଳେ ଗାଙ୍ଗପୁର ନିକଟ ପାଣି ଫ୍ୟାକ୍ଟ୍ରି ନିକଟରେ ଭାରସାମ୍ୟ ହରାଇ ବସଟି ଓଲଟି ପଡିଥିଲା । ଦୁର୍ଘଟଣାରେ ବସ ତଳେ ଚାପି ହୋଇ ଜଣଙ୍କର ମୃତ୍ୟୁ ଘଟିଛି । ଦଶରୁ ଉର୍ଦ୍ଧ୍ବ ଆହତମାନଙ୍କୁ ବ୍ରହ୍ମପୁର ବଡ ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ଗାଙ୍ଗପୁର ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଗଞ୍ଜାମରୁ ରଞ୍ଜନ ସ୍ବାଇଁ, ଇଟିଭି ଭାରତ
