ଭଞ୍ଜନଗର: କୋରୋନା ମୁକାବିଲା ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ରିଲିଫ ପାଣ୍ଠିକୁ ବଢୁଛି ସହାୟତାର ହାତ । ଏହି ଅବସରରେ ଆଗେଇ ଆସିଛନ୍ତି ଗଞ୍ଜାମ ଜିଲ୍ଲା ପୋଲସରା ବ୍ଲକ ଅଧିନସ୍ଥ ୨୬ଟି ପଞ୍ଚାୟତର ସରପଞ୍ଚ, ସମିତି ଓ ଜିଲ୍ଲା ପରିଷଦ ସଭ୍ୟ । ପୋଲସରା ପଞ୍ଚାୟତ ସମିତି କାର୍ଯ୍ୟାଳୟରେ ଏକତ୍ରିତ ହୋଇ ଦେଇଛନ୍ତି ଆର୍ଥିକ ସହାୟତା ।
କୋରୋନା ମୁକାବିଲା ପାଇଁ ଆଗେଇ ଆସିଲେ ପୋଲସରା ଜନପ୍ରତିନିଧି
ବିଡିଓ ଶମ୍ଭୁନାଥ ନନ୍ଦୀଙ୍କ ଦ୍ବାରା ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୧ ଲକ୍ଷ ୨୧ ହଜାର 100 ଟଙ୍କା ପ୍ରଦାନ କରିଛନ୍ତି । ଏହି ସମୟରେ ବିଧାୟକ ଶ୍ରୀକାନ୍ତ ସାହୁ ଉପସ୍ଥିତ ଥିଲେ । କୋଭିଡ 19କୁ ନେଇ ସାରା ରାଜ୍ୟ ଲକଡାଉନ । ଏହି ସମୟରେ ଦେଶରେ ଦେଖାଦେଇଛି ଆର୍ଥିକ ସଙ୍କଟ ।
ଏଭଳି ବିପଦ ସମୟରେ ରାଜ୍ୟର ଆର୍ଥିକ ସ୍ଥିତିକୁ ସ୍ବଚ୍ଛଳ କରିବା ଉଦ୍ଦେଶ୍ୟରେ ହାତ ବଢାଇଛନ୍ତି ପୋଲସରା ବ୍ଲକର ସମସ୍ତ ଜନପ୍ରତିନିଧି । ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିକୁ ଦେଇଛନ୍ତି ଆର୍ଥିକ ସାହାଯ୍ୟ ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
