ଭଞ୍ଜନଗର: ଗଞ୍ଜାମ ଜିଲ୍ଲାର ସୋରଡ଼ା ଥାନା ନୂଆଗଡ଼ ଗ୍ରାମର ଖଦାଳ ସାହିରେ ଗୋଷ୍ଠୀ ସଂଘର୍ଷ । କୌଣସି କାରଣକୁ ନେଇ ଦୁଇ ପରିବାର ମଧ୍ୟରେ ବିବାଦ ଦେଖିବାକୁ ମିଳିଛି। ଏ ଘଟଣାରେ ଉଭୟ ପକ୍ଷରୁ 2 ଜଣଙ୍କ ମୃତ୍ୟୁ ହୋଇଥିବାବେଳେ, ଅନ୍ୟ 7 ଜଣ ଆହତ ହୋଇଛନ୍ତି। ମୃତକଦ୍ବୟ ହେଉଛନ୍ତି ମନୋଜ ନାଇକ ଓ ପୁନିଆ ନାଇକ।
ମୃତକ ମନୋଜ କିଛି ଦିନ ହେବ ଗ୍ରାମରେ ଆତଙ୍କ ଚଳାଉଥିବା ବେଳେ, ମଙ୍ଗଳବାର କୌଣସି କାରଣକୁ ନେଇ ଦୁଇ ପରିବାର ମଧ୍ୟରେ ବଚସା ହୋଇଥିଲା । ଏଥିରେ ମନୋଜ ଉତକ୍ଷିପ୍ତ ହୋଇ ଦଉଡି ଯାଇ ଘରୁ ଏକ ଖଣ୍ଡା ଆଣି ପ୍ରଥମେ ପୁନିଆ ନାଇକକୁ ହାଣି ଦେଇଥିଲା। ପରେ ପୁନିଆର ପରିବାର ଆସି ସେହି ଖଣ୍ଡାରେ ମନୋଜକୁ ହାଣିଥିଲେ । ଏହି ହଣାହଣିରେ ଉଭୟ ପରିବାରର 7 ଜଣ ଆହତ ହୋଇଥିଲେ। ତେବେ ଘଟଣାସ୍ଥଳରେ ମନୋଜର ମୃତ୍ୟୁ ହୋଇଥିବା ବେଳେ ଚିକିତ୍ସାଧୀନ ଅବସ୍ଥାରେ ପୁନିଆର ମୃତ୍ୟୁ ଘଟିଛି। ଘଟଣାରେ ପୋଲିସ ପୁନିଆ ନାଇକ ପରିବାରର ତିନିଜଣଙ୍କୁ ଅଟକ ରଖି ତଦନ୍ତ ଚଳାଇଛି। ସେପଟେ ସମସ୍ତ ଆହତଙ୍କୁ ଚିକିତ୍ସା ପାଇଁ ସୋରଡା ମେଡିକାଲରେ ଭର୍ତ୍ତି କରାଯାଇଛି।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
