ଭଞ୍ଜନଗର: 2019 ନିର୍ବାଚନ ପାଇଁ ଚାଲିଛି ଅଙ୍କକଷା। ଏତେ ଅଡୁଆ ଅଙ୍କ ଯେତେ କଷିଲେ ବାହାରିପାରୁନି ଉତ୍ତର। ଆଉ ରାଜନୈତିକ ଦଳର ଏହି ଅଛିଣ୍ଡା ଅଙ୍କ ପାଇଁ ଚାଲିଛି ଦଳଡିଆଁ ପର୍ବ। ଏହି ଦଳଡିଆଁ ପର୍ବରେ ରବିବାର ହାତ ଛାଡି ଶଙ୍ଖ ଧରିଛନ୍ତି ପ୍ରଦେଶ କଂଗ୍ରେସ କମିଟିର ରାଜ୍ୟ ମୁଖପାତ୍ର ଓମ୍ ପ୍ରକାଶ ସାହୁ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ସୋରଡା ନିର୍ବାଚନ ମଣ୍ଡଳିର ବିଜେଡି କାର୍ଯ୍ୟାଳୟରେ ବିଧାୟକ ପ୍ରାର୍ଥି ପୂର୍ଣ୍ଣ ଚନ୍ଦ୍ର ସ୍ୱାଇଁଙ୍କ ଉପସ୍ଥିତିରେ ଓମ ବିଜେଡିରେ ଯୋଗଦାନ କରିଛନ୍ତି। ଦିନକୁ ଦିନ କଂଗ୍ରେସ ଦୁର୍ବଳ ହେଉଥିବାରୁ ଦଳର କାର୍ଯ୍ୟକଳାପରେ ଅତିଷ୍ଠ ହୋଇ ସେ କଂଗ୍ରେସରୁ ଇସ୍ତଫା ଦେଇଥିବା କହିଛନ୍ତି ଓମ ପ୍ରକାଶ । ଅନ୍ୟପଟେ ସେବିଜେଡିରେ ସାମିଲ ହେବା ପରେ ଦଳ ଆହୁରି ସୁଦୃଢ ହେବ ବୋଲି ପୂର୍ଣ୍ଣ ଚନ୍ଦ୍ର ସ୍ଵାଇଁ କହିଛନ୍ତି।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
