ଭଞ୍ଜନଗର: ସାଇକେଲକୁ ଧକ୍କା ଦେଲା କାର । ଘଟଣାସ୍ଥଳରେ ସାଇକେଲ ଆରୋହୀ ମୃତ । ଏପରି ଏକ ଘଟଣା ଗଞ୍ଜାମ ଜିଲ୍ଲା ଆସିକା ଥାନା ପାଟିଳି ଗୁଡା ଗାଁ ନିକଟରେ ଘଟିଛି । ପୋଲିସ ପହଞ୍ଚି ମୃତଦେହ ଜବତ କରିଛି ।
ସାଇକେଲକୁ ଧକ୍କା ଦେଲା କାର, ବୃଦ୍ଧ ମୃତ
ସୂଚନା ଅନୁଯାୟୀ ମୃତ ସାଇକେଲ ଆରୋହୀ ଚେରମାରିଆ ଗାଁର 50 ବର୍ଷୀୟ ବ୍ରଜବନ୍ଧୁ ଗୌଡ଼ l ସେ ଚେର ମାରିଆ ଗାଁରୁ ସାଇକେଲ ଯୋଗେ ଆସିକା ଅଭିମୁଖେ କ୍ଷୀରଦେବା ପାଇଁ ଯାଉଥିଲେ । ଏହି ସମୟରେ କାରଟି ବ୍ରଜବନ୍ଧୁଙ୍କୁ ଧକ୍କା ଦେବାରୁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଛି । ଖବର ପାଇ ପୋଲିସ ପହଞ୍ଚି ମୃତଦେହ ଜବତ କରି ଥିବାବେଳେ ଦୁର୍ଘଟଣାଗ୍ରସ୍ତ କାରକୁ ଜବତ କରି ଅଧିକ ତଦନ୍ତ ଜାରିରଖିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ , ଇଟିଭି ଭାରତ
