ଭଞ୍ଜନଗର: ଗଞ୍ଜାମ ବଡଗଡ଼ ଥାନା ଗୋପାଳପୁର ଗାଁରେ ହତ୍ୟାକାଣ୍ଡ । ନିଜ ଘର ପିଣ୍ଡାରେ ଶୋଇଥିବା ବେଳେ ଘରର ମୁରବିଙ୍କୁ ହତ୍ୟା କରି ହତ୍ୟାକାରୀ ଫେରାର । ମୃତ ବ୍ୟକ୍ତି ଜଣକ ହେଲେ କାଶୀନାଥ ଗୌଡ଼ (70) । ତେବେ ଗତରାତିରେ ଏହି ଅଘଟଣ ଘଟିଥିବା ବେଳେ ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି ।
ନିଦ୍ରା ହେଲା ଶେଷନିଦ୍ରା, ବୃଦ୍ଧଙ୍କୁ ହତ୍ୟା କରି ଦୁର୍ବୃତ୍ତ ଫେରାର
ସୂଚନାମୁତାବକ, ବୃଦ୍ଧଙ୍କ ଦୁଇ ପୁଅ ବାହାରେ ରହୁଥିବା ବେଳେ ଘରେ ସ୍ତ୍ରୀ ,ଝିଅ, ବୋହୂ ରୁହନ୍ତୁ । ତେବେ ରାତିରେ ଅତ୍ୟଧିକ ଗରମ ଯୋଗୁଁ ବୃଦ୍ଧ ଜଣକ ଘର ପିଣ୍ଡାରେ ଆସି ଶୋଇଥିଲେ । ମଧ୍ୟ ରାତ୍ରିରେ କୌଣସି ଦୁର୍ବୃତ୍ତ ଘର ବାହାରୁ କବାଟ ବନ୍ଦ କରି ହତ୍ୟା କରି ଫେରାର ହୋଇଯାଇଥିବା ଜଣାପଡ଼ିଛି ।
ସକାଳେ କବାଟ ନ ଖୋଲିବାରୁ ଘର ଲୋକ ପଡିଶା ଘରକୁ ଫୋନ କରି କବାଟ ଖୋଲିଥିଲେ ଏବଂ ସେତେବେଳକୁ ବୃଦ୍ଧ ଜଣଙ୍କ ରକ୍ତ ଜୁଡ଼ୁବୁଡୁ ଅବସ୍ଥାରେ ପଡ଼ିଥିବା ବେଳେ ତାଙ୍କ ବେକ ଓ ମୁଣ୍ଡରେ ହଣା ଚିହ୍ନ ଦେଖିବାକୁ ମିଳିଥିଲେ । ଖବର ପାଇ ଘଟଣା ସ୍ଥଳରେ ବଡଗଡ଼ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
