ଭଞ୍ଜନଗର: ଗଞ୍ଜାମରେ ହତ୍ୟାକାଣ୍ଡ । ଖଣ୍ଡାରେ ହାଣି ଯୁବକଙ୍କୁ ହତ୍ୟା । ଏଭଳି ଏକ ଅଘଟଣ ଘଟିଛି ଗଞ୍ଜାମ ଜିଲ୍ଲା ପୋଲସରା ଥାନା କଳମ୍ବ ହାଇସ୍କୁଲ ଛକରେ । ମୃତ ଯୁବକ ଜଣଙ୍କ ହେଲେ କାଉ ଓରଫ ବିକାଶ ସାହୁ । ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି । ସୂଚନା ଅନୁସାରେ, ଏହି ହତ୍ୟାକାଣ୍ଡ ଗତକାଲି ମଧ୍ୟ ରାତ୍ରିରେ ଘଟିଥିବା ବେଳେ ଖଣ୍ଡାରେ ହାଣି ହତ୍ୟା କରିଥିବା ପୋଲିସ ଅନୁମାନ କରୁଛି । ତେବେ ହତ୍ୟାକାଣ୍ଡର ଅସଲ କାରଣ ଏବେ ବି ଜଣାପଡିନାହିଁ । ମୁଖ୍ୟ ସଡକ ଉପରେ ପଡିରହିଥିଲା କାଉର ମୃତ ଦେହ । ଖବର ପାଇ ପୋଲସରା ଓ କବିସୂର୍ଯ୍ୟନଗର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ତଦନ୍ତ ଚଳାଇଛି ।
ଗଞ୍ଜାମରେ ଚାଞ୍ଚଲ୍ୟ, ମୁଖ୍ୟରାସ୍ତା ଉପରେ ମର୍ଡର
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
