ଭଞ୍ଜନଗର: ଭାଇ-ବୋହୂକୁ ପିଟିପିଟି ହତ୍ୟା କରିବା ଅଭିଯୋଗରେ ଗିରଫ ହେଲା ଦେଢଶୂର । ଘଟଣା ଘଟିଛି ଗଞ୍ଜାମ ଜିଲ୍ଲା ଆସ୍କା ଥାନା ଅନ୍ତର୍ଗତ ଭେଙ୍କଟ୍ରାଇ ପଲ୍ଲୀ ଗ୍ରାମ ଶିବମନ୍ଦିର ନିକଟରେ ।
ଗତ 16 ତାରିଖରେ ଶିବ ମନ୍ଦିରରୁ ପୂଜା ସାରି ଘରକୁ ଫେରୁଥିବାବେଳେ ହତ୍ୟାର ଶିକାର ହୋଇଥିଲେ ହରିଡ଼ାପଦର ଗ୍ରାମର ରଞ୍ଜି ନାହାକ । ଘରୋଇ ବିବାଦକୁ କେନ୍ଦ୍ର କରି ଦେଢଶୂର ମୋଚିରମ ନାହାକ ଏକ ଲୁହାରଡ଼ରେ ତାଙ୍କ ମୁଣ୍ଡ ଓ ହାତକୁ ବାରମ୍ବାର ଆକ୍ରମଣ କରିଥିଲା । ଫଳରେ ଘଟଣାସ୍ଥଳରେରେ ରଞ୍ଜିଙ୍କ ମୃତ୍ୟୁ ହୋଇଥିଲା ।
ଭାଇ-ବୋହୂକୁ ପିଟିପିଟି ହତ୍ୟା, ଅଭିଯୁକ୍ତ ଦେଢଶୂର ଗିରଫ
ତେବେ ଘଟଣା ଦିନ ଠାରୁ ମୋଚିରାମ ଫେରାର ଥିଲା । ଅଭିଯୋଗ ପାଇ ଆସ୍କା ପୋଲିସ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଥିଲା । ହତ୍ୟାକାଣ୍ଡରେ ବ୍ୟବହୃତ ଲୁହାରଡ଼କୁ ଜବତ କରାଯାଇଥିବା ବେଳେ ମଙ୍ଗଳବାର ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
