ଭଞ୍ଜନଗର: ରାଇପୁର ନିକଟରେ ଦାଦନ ଶ୍ରମିକ ବସ ଦୁର୍ଘଟଣାଗ୍ରସ୍ତ । ଦୁର୍ଘଟଣାରେ ଗଞ୍ଜାମ ଜିଲ୍ଲାର 8 ଜଣ ଶ୍ରମିକଙ୍କ ମୃତ୍ୟୁ ହୋଇଛି । ପ୍ରଶାସନ ସହଯୋଗରେ ସମସ୍ତ ଶ୍ରମିକଙ୍କ ମର ଶରୀରକୁ ବାଘୁଆ ପଲ୍ଲୀ, ବୋରି ଚାଞ୍ଚରା ପଲ୍ଲୀ ଓ ସୋରଡା ନିକଟ ବିଭୂତିଆ ଗ୍ରାମରେ ପହଞ୍ଚାଯାଇଥିଲା ।
ତେବେ ଦାଦନ ଶ୍ରମିକଙ୍କ ମର ଶରୀର ଗାଁରେ ପହଞ୍ଚିବା ପରେ କାନ୍ଦ ବୋବାଳିରେ ଫାଟି ଫଡୁଥିଲା ଗାଁ ଦାଣ୍ଡ । ଘଟଣାସ୍ଥଳରେ ସ୍ଥାନୀୟ ତହସିଲଦାର ଓ ଅନ୍ୟ ପ୍ରଶାସନିକ ଅଧିକାରୀମାନେ ଉପସ୍ଥିତ ରହି ମୃତକଙ୍କ ପରିବାରକୁ ରେଡକ୍ରସ ପାଣ୍ଠିରୁ 10 ହଜାର ପ୍ରଦାନ କରିଥିଲେ । ସେହିପରି ସରପଞ୍ଚ ମଧ୍ୟ 2 ହଜାର ଲେଖାଏଁ ମୃତକଙ୍କ ପରିବାରକୁ ଦେଇଥିଲେ ।
ମୃତକ ଶ୍ରମିକ 8 ଜଣ ହେଲେ ବେଲଗୁଣ୍ଠା ବ୍ଲକ ବାଘୁଆ ପଲ୍ଲୀ ଗ୍ରାମର ସୁଶାନ୍ତ ସ୍ବାଇଁ, ବୋରି ଚାଞ୍ଚରା ପଲ୍ଲୀର ନାରାୟଣ ଗୁରୁ ଓ ସୋରଡ଼ା ବ୍ଲକ ଲାଠିପଡ଼ା ପଞ୍ଚାୟତ ବିଭୁତିଆ ଗ୍ରାମର ତପନ ନାୟକ ବୋଲି ଜଣାପଡିଛି । ତେବେ ଅନ୍ୟ 5 ଜଣ ଶ୍ରମିକ ଆସିକା ଓ ଛତ୍ରପୁର ଅଞ୍ଚଳର ବୋଲି ଜଣାପଡିଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
