ବ୍ରହ୍ମପୁର: ବଜ୍ରାଘାତରେ ଜଣେ ବ୍ୟକ୍ତି ସମେତ 15 ଗାଈ ବାଛୁରୀଙ୍କ ମୃ୍ତ୍ୟୁ । ଗଞ୍ଜାମ ଜିଲ୍ଲା ଆସିକା ଘଟକୁରୀ ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା ।
ସୂଚନାଅନୁଯାୟୀ ଘଟକୁରୀ ଗ୍ରାମରେ ଶୁକ୍ରବାର ପ୍ରବଳ ବର୍ଷା ସହ ବଜ୍ରାଘାତ ହୋଇଛି । ଗ୍ରାମର ଗୁଣ୍ଡିଚା ଗୌଡ ନାମକ ୪୭ ବର୍ଷୀୟ ବ୍ୟକ୍ତି ଗ୍ରାମର ଶେଷ ମୁଣ୍ଡରେ ଥିବା ଗହିରମାଳରେ ଗାଈକୁ ଜଗିଥିବା ବେଳେ ହଠାତ ବଜ୍ରପାତ ଘଟିଥିଲା । ତୁରନ୍ତ ଆମ୍ବୁଲାନ୍ସ ଯୋଗେ ଗୁଣ୍ଡିଚା ଗୌଡ଼କୁ ଆସିକା ମେଡିକାଲକୁ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏହା ସହ ବଜ୍ରପାତରେ ୭ ଗାଈ ,୬ ବାଛୁରୀ ଓ ୨ ଛେଳି ମୃତ୍ୟୁ ଘଟିଛି ।
ଏପଟେ ଗୁଣ୍ଡିଚାଙ୍କ ଅକାଳ ବିୟୋଗରେ ପରିବାର ବର୍ଗ ଭାଙ୍ଗି ପଡିଥିବା ବେଳେ ଗ୍ରାମବାସୀ ତାଙ୍କ ପରିବାରକୁ ଆର୍ଥିକ ଅହାୟତା ପ୍ରଦାନ କରିବା ପାଇଁ ଦାବି କରିଛନ୍ତି। ଏନେଇ ଆସିକା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ ଓ ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
