ଭଞ୍ଜନଗର: ଗଞ୍ଜାମ ଜିଲ୍ଲା ଜଗନ୍ନାଥପ୍ରସାଦ ଥାନା ଛାମୁଣ୍ଡା ଗ୍ରାମରେ ଚାଷ ଜମିରୁ କାମ ସାରି ଫେରୁ ଥିବାବେଳେ ବଜ୍ରପାତରେ ଜଣଙ୍କ ମୃତ୍ୟୁ ହୋଇଛି । ଘଟଣାରେ 2 ଜଣ ଗୁରୁତର ହୋଇଛନ୍ତି । ମୃତକ ଜଣକ ହେଲେ ରାମଚନ୍ଦ୍ର ଗୌଡ଼ ଏବଂ ଗୁରୁତର 2 ଜଣ ହେଲେ ସୁନୀଲ ରାଉତ ଓ ଲକି ନାୟକ ।
ବଜ୍ରପାତରେ ଜଣେ ମୃତ, 2 ଗୁରୁତର
ସୂଚନାମୁତାବକ, ତିନି ଜଣ ସନ୍ଧ୍ୟା ସମୟରେ ବିଲରୁ କାମ ସାରି ଘରକୁ ଫେରୁଥିବାବେଳେ ବଜ୍ରପାତ ହୋଇଥିଲା । ଘଟଣାସ୍ଥଳରେ ରାମଚନ୍ଦ୍ର ଗୌଡ଼ ଟଳି ପଡିଥିବାବେଳେ ଅନ୍ୟ ଦୁଇଜଣ ଆହାତ ହୋଇଥିଲେ । ଏହାପରେ ଗ୍ରାମବାସୀମାନେ ସମସ୍ତଙ୍କୁ ସେଠାରୁ ଉଦ୍ଧାର କରି ଜଗନ୍ନାଥପ୍ରସାଦ ମେଡିକାଲରେ ଭର୍ତ୍ତି କରିଥିଲେ ।
ମେଡିକାଲରେ ଡାକ୍ତର ରାମଚନ୍ଦ୍ର ଗୌଡ଼ଙ୍କୁ ମୃତ ଘୋଷଣା କରିଥିବା ବେଳେ ଅନ୍ୟ ଦୁଇ ଜଣଙ୍କ ଚିକିତ୍ସା ଜାରି ରହିଛି । ଖବରପାଇ ଜଗନ୍ନାଥପ୍ରସାଦ ପୋଲିସ ପହଞ୍ଚି ତଦନ୍ତ ଚଳାଇଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
