ଭଞ୍ଜନଗର: ରାଜ୍ୟରେ ଲକ ଡାଉନକୁ କଡାକଡି ପାଳନ କରାଯାଉଛି ।ଏହି କ୍ରମରେ ଗଞ୍ଜାମରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି । ଗ୍ରାମାଞ୍ଚଳରେ ଲୋକଙ୍କୁ ସଚେତନତା କରାଯାଉଥିବା ବେଳେ ମାସ୍କ ପରିଧାନ ଓ ସାମାଜିକ ଦୁରୁତ୍ଵ ଉପରେ ଗୁରୁତ୍ଵ ଦିଅ।ଯାଉଛି । ହେଲେ ଲୋକଙ୍କ ମନରୁ ଭୟ ଯାଇନଥିବା ବେଳେ ଅସୁସ୍ଥତା ନେଇ ମୃତ୍ୟୁ ହେଲେ ମଧ୍ୟ କେହି ପାଖକୁ ଆସୁନାହାଁନ୍ତି । ଏପରି ଏକ ଘଟଣା ଦେଖିବାକୁ ମିଳିଛି ବୁଗୁଡା ଗୋଲିଅ। ପଞ୍ଚାୟତର ଚିରିକିପଡା ଗାଁରେ ।
ମୃତକଙ୍କ ଅନ୍ତିମ ସଂସ୍କାର କଲା ପ୍ରଶାସନ, କୋରୋନା ପାଇଁ ପାଖ ମାଡିଲେନି ପରିବାର ଲୋକେ
ଏହି ଗାଁର ଜଣେ 35 ବର୍ଷିୟ ମହିଳାଙ୍କ ଅସୁସ୍ଥତା ହେତୁ ମୃତ୍ୟୁ ହୋଇଥିଲା । ତଥାପି ଘର ଲୋକ ସଂସ୍କାର ପାଇଁ ମନା କରିଦେବା ପରେ ବୁଗୁଡା ଗୋଷ୍ଠୀ ଉନ୍ନୟନ ଅଧିକାରୀ , ବୁଗୁଡା ମେଡିକାଲର ଡାକ୍ତର ଓ ଗୋଲିଅ। ପଞ୍ଚାୟତର ସରପଞ୍ଚ ପିପିଇ କିଟ ପରିଧାନ କରି ଅନ୍ତିମ ସଂସ୍କାର କରିଥିଲେ । ଏହି ଘଟଣା ସାରା ଅଞ୍ଚଳରେ ଏବେ ଚର୍ଚ୍ଚାର ବିଷୟ ପାଲଟିଛି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
