ବ୍ରହ୍ମପୁର: ଗତ କିଛି ଦିନ ଧରି ଅଶାନ୍ତ ରହୁଛି ବଙ୍ଗୋପସାଗର। ଫଳରେ ସମୁଦ୍ରରେ ବଡ ବଡ ଜୁଆର ଆସି ଗଞ୍ଜାମ ଜିଲ୍ଲାର ଗୋପାଳପୁର ବେଳାଭୂମିରେ କୂଳ ଲଙ୍ଘିବାରେ ଲାଗିଛି । ବେଳାଭୂମି ଠାରୁ ସମୁଦ୍ରକୂଳିଆ ଗାଁ ରାମେୟାପାଟଣା ଭଳି କେତେକ ସ୍ଥାନରେ ଏବେ କୂଳ ଖାଇଯାଇଛି ।
ଭିଡ଼ିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ସମୁଦ୍ରର ଲହଡି ମାଡରେ ସମ୍ପୂର୍ଣ୍ଣ ବେଳାଭୂମିର ବାଲୁକାଶର୍ଯ୍ୟାରେ ସୃଷ୍ଟି ହୋଇଛି ବଡ ବଡ ଗାତ । ଯାହାକୁ ନେଇ ବେଳାଭୂମିରେ ପାଦ ପକାଇ ଚାଲିବା ଓ ବୁଲିବା ଏକ ପ୍ରକାର କଷ୍ଟକର ହୋଇପଡିଥିବା ଅଭିଯୋଗ ହୋଇଛି । ଏପରିକି ବେଳାଭୂମି ପାର୍ଶ୍ବରେ ଥିବା ବହୁଛୋଟ ବଡ ହୋଟେଲର ପାଟେରୀ ମଧ୍ୟ ଭାଙ୍ଗି ଯାଇଥିବାବେଳେ ଏବେ ଚିନ୍ତାରେ ସମୁଦ୍ରକୂଳିଆ ।
ତେବେ ପୂର୍ଣ୍ଣିମା ଯାଏ ଏଭଳି ସମୁଦ୍ର ଅଶାନ୍ତ ରହିବା ସହ ବଡ ବଡ ଜୁଆର ଆସିବା ନେଇ ଆଶଙ୍କା କରାଯାଉଛି । ଅନ୍ୟପଟେ, ସୁରକ୍ଷା ଦାୟିତ୍ବରେ ଥିବା କର୍ମଚାରୀ ଗୋପାଳପୁରକୁ ଆସୁଥିବା ପର୍ଯ୍ୟଟକଙ୍କୁ ସଜାଗ ରହିବାକୁ ନିର୍ଦ୍ଦେଶ ରହିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
