ଭଞ୍ଜନଗର: ଅବକାରୀ ଓ ପୋଲିସର ମିଳିତ ଚଢାଉ । ଚୋରାମଦ କାରବାର ଚାଲିଥିବା ବେଳେ ଚଢାଉ କରିଥିଲା ବିଭାଗ । ଏହି ଚଢାଉରେ 9 ଜଣଙ୍କୁ ଗିରଫ କରାଯାଇଛି । ଗଞ୍ଜାମ ଜିଲ୍ଲା ଭଞ୍ଜନଗର ଅବକାରୀ ବିଭାଗ ଓ ପୋଲିସ ମିଳିତ ଭାବେ ନାହାତୁଟ ସାହି, ବଡ ମରାଠୀ ସାହି, ବଡକଦଣ୍ଡା, ବିଡ଼ିପୁର ଅଞ୍ଚଳରେ ଚଢାଉ କରି 830 ଲିଟର ହାତରନ୍ଧା ଚୋରାମଦ, 7280 ଲିଟର ଗୁଡ ମିଶ୍ରିତ ପୋଚ 8 ଲିଟର o.s ମଦ , 4.320 ଲିଟର Imfl ଏବଂ 6.250 ଲିଟର ବିୟର ଜବତ କରାଯାଇଛି |
ଏଥିରେ ସମ୍ପୃକ୍ତ ଥିବା 9 ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ବେଳେ 11 ଜଣଙ୍କ ନାମରେ କେସ ରେଜିଷ୍ଟର କରାଯାଇଛି | ଏହି ଚଢାଉରେ ବୁଗୁଡ଼ା, ଭଞ୍ଜନଗର, ଆସ୍କା, ଏସ. ଆଇ ଅବକାରୀ, ଡିଏସଏଫ ଛତ୍ରପୁର କର୍ମଚାରୀ ସାମିଲ ଥିଲେ । ଗଞ୍ଜାମ ଜିଲ୍ଲାପାଳ ଏବଂ ଅବକାରୀ ସୁପରିଟେଣ୍ଡେଣ୍ଟ ନିର୍ଦ୍ଦେଶରେ ଏହି ଚଢାଉ କରାଯାଇଥିବା ଅବକାରୀ ବିଭାଗ ତରଫରୁ ସୂଚନା ଦିଆଯାଇଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
