ପ୍ରେମିକା ମୃତଦେହ ଆଗରେ କାନ୍ଦୁଛି ପ୍ରେମିକ, ଦିନକ ପୂର୍ବରୁ ହୋଇଥିଲେ ଫେରାର

ଗଞ୍ଜାମ ଜିଲ୍ଲା ଭଞ୍ଜନଗର ଉପଖଣ୍ଡ ଚିକିତ୍ସାଲୟରେ ଛାତିଥରା ଘଟଣା । ପ୍ରେମିକାକୁ ପ୍ରେମିକ ହତ୍ୟା କରିଥିବା ଅଭିଯୋଗ । ଅଧିକ ପଢନ୍ତୁ

ଭଞ୍ଜନଗର: ଭଞ୍ଜନଗର ଉପଖଣ୍ଡ ଚିକିତ୍ସାଳୟରେ ଛାତିଥରା ଘଟଣା । ପ୍ରେମିକାକୁ ପ୍ରେମିକ ହତ୍ୟା କରିଥିବା ଅଭିଯୋଗ । ଅଭିଯୁକ୍ତକୁ ଅଟକ ରଖି ତଦନ୍ତ ଚଳାଇଛି ପୋଲିସ । ସୂଚନାଅନୁସାରେ ଗତ 21 ମାର୍ଚ୍ଚ ସନ୍ଧ୍ୟାରେ ଜଗନ୍ନାଥ ପ୍ରସାଦ ଅନ୍ତର୍ଗତ ଅଳସୁ ଗ୍ରାମର ପ୍ରେମିକ ଦଣ୍ଡୁ ଗାଙ୍ଗପୁର ଥାନା ଅନ୍ତର୍ଗତ ପ୍ରେମିକାକୁ ଧରି ଫେରାର ହୋଇଥିଲେ l ଗ୍ରାମବାସୀ ମାନେ ସେମାନଙ୍କୁ ପିଛା କରିବା ସମୟରେ ଧରାପଡିଯିବା ଭୟରେ ଉଭୟ ଏକ ଜଙ୍ଗଲରେ ଆଶ୍ରୟ ନେଇଥିଲେ।

ତେବେ ଭୟରେ ଦୌଡ଼ିବା ସମୟରେ ପପ୍ରେମିକା ତଳେ ପଡି ଯାଇ ସାମାନ୍ୟ ଆହତ ହୋଇଥିଲେ । ସକାଳେ ଦଣ୍ଡୁ ତାଙ୍କୁ ମେଡ଼ିକାଲ ଆଣିବା ପରେ ଡାକ୍ତର ପ୍ରେମିକାକୁ ମୃତ ଘୋଷଣା କରିଥିଲେ। ଖବର ପାଇ ପୋଲିସ ମେଡିକାଲରେ ପହଞ୍ଚି ମୃତଦେହକୁ ଜବତ କରିବା ସହ ପୋଷ୍ଟମର୍ଟମ ପାଇଁ ପଠାଇଥିଲେ। ଅଭିଯୁକ୍ତ ଦଣ୍ଡୁକୁ ପୋଲିସ ଅଟକ ରଖି ତଦନ୍ତ ଚଳାଇଛି l ଅନ୍ୟପଟେ ଝିଅକୁ ଅପହରଣ କରି ହତ୍ୟା କରାଯାଇଛି ବୋଲି ପରିବାର ଲୋକେ ଅଭିଯୋଗ କରିଛନ୍ତି l

ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ