ଭଞ୍ଜନଗର: ଗଞ୍ଜାମ ଜିଲ୍ଲା ବେଲଗୁଣ୍ଠା ଫାଣ୍ଡି ଅଞ୍ଚଳରୁ ସୁନାଗହଣା ଲୁଟ୍ ଘଟଣାରେ ପୋଲିସ 4 ଜଣଙ୍କୁ ଗିରଫ୍ କରିଛି । ଗିରଫ ସମସ୍ତ ଅଭିଯୁକ୍ତଙ୍କୁ ପୋଲିସ୍ କୋର୍ଟ ଚାଲାଣ କରିଥିବା ଜଣାପଡିଛି । ଏଥିସହ ସେମାନଙ୍କ ନିକଟରୁ ପୋଲିସ ନଗଦ ଟଙ୍କା ସହ ସୁନା ଗହଣା ଜବତ କରିଛି ।
ଗଞ୍ଜାମ ଲୁଟ୍ ମାମଲା: 4 ଅଭିଯୁକ୍ତ ଗିରଫ
ସୂଚନା ଅନୁଯାୟୀ, ଅକ୍ଟୋବର 15 ତାରିଖ ରାତିରେ ଦୁଇଟି ସ୍ଥାନରେ ଘରେ ପଶି ଦୁର୍ବୃତ୍ତମାନେ ସୁନା ଅଳଙ୍କାର ସମେତ ଟଙ୍କା ଲୁଟ୍ କରିଥିଲେ । ଏନେଇ ତଦନ୍ତ ଜାରି ରଖିଥିବା ଭଞ୍ଜନଗର ପୋଲିସ ଆଜି(ଶନିବାର) 4 ଜଣଙ୍କୁ ଗିରଫ କରି କୋର୍ଟଚାଲାଣ କରିଛି । ଏଥିସହ ସେମାନଙ୍କ ନିକଟରୁ ନଗଦ 45 ହଜାର 250 ଟଙ୍କା, ସୁନାମୁଦି, ରୂପା ସିନ୍ଦୂର ଫରୁଆ, ରୂପା ପାଉଁଜି ସହିତ ଦୁଇଟି ସାଇକେଲ ଜବତ କରିଛି । ଅନ୍ୟପଟେ ଗିରଫ 4 ଅଭିଯୁକ୍ତଙ୍କ ନାମରେ ବୁଗୁଡ଼ା, ଜଗନ୍ନାଥ ପ୍ରସାଦ, ଭଞ୍ଜନଗର, ପାଟପୁର ଥାନାରେ ପୂର୍ବରୁ ଏଗାରଟି କେସ୍ ଥିବା ଜାଣିବାକୁ ପାଇଛି ପୋଲିସ ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
