ଭଞ୍ଜନଗର: ଆରପାରିରେ ପୂର୍ବତନ ସାଂସଦ ଦୂତିକୃଷ୍ଣ ପଣ୍ଡା । ମୃତ୍ୟ ବେଳକୁ ତାଙ୍କୁ 97 ବର୍ଷ ବୟସ ହୋଇଥିଲା । ଗତ କିଛି ମାସ ହେବ ସେ ଅସୁସ୍ଥ ଥିବାରୁ ଭୁବନେଶ୍ଵରର ଏକ ଘରୋଇ ମେଡିକାଲରେ ତାଙ୍କର ଚିକିତ୍ସା ଚାଲିଥିଲା । ହେଲେ ଆଜି ସକାଳେ ତାଙ୍କର ଦେହାନ୍ତ ଘଟିଥିଲା ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ଆଜି ସନ୍ଧ୍ୟାରେ ତାଙ୍କ ମର ଶରୀର ଆସିକା ବାସଭବନରେ ପହଞ୍ଚିବା ପରେ ଏକ ଶୋଭାଯାତ୍ରା କରାଯାଇଥିଲା । ପ୍ରଥମେ ଆସିକା ଚିନିଶିଳ୍ପ ଓ ପରେ ଆସିକା ସହର ପରିକ୍ରମା
କରାଯାଇଥିଲା । ଶୋଭାଯାତ୍ରାରେ ସହରର ବହୁ ବରିଷ୍ଠ ବ୍ୟକ୍ତି ଉପସ୍ଥିତ ଥିଲେ ।
ସୂଚନା ଯୋଗ୍ୟ ଯେ, ଗଞ୍ଜାମ ଜିଲ୍ଲା ଆସିକା ସହରରେ ଜନ୍ମ ଗ୍ରହଣ କରିଥିଲେ ଏହି ବରିଷ୍ଠ କମ୍ୟୁନିଷ୍ଟ ନେତା । ତାଙ୍କ କଠିନ ପରିଶ୍ରମ ବଳରେ 1971 ମସିହାରେ ଆସିକା ସାଂସଦ ଓ 1990 ମସିହାରେ ଆସିକା ବିଧାୟକ ହୋଇପାରିଥିଲେ । ଏଥିସହ ସେ ଆଖୁଚାଷୀ ସଂଘର ସଭାପତି ମଧ୍ୟ ଥିଲେ ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
