ଭଞ୍ଜନଗର: ଗଞ୍ଜାମ ଜିଲ୍ଲା ବେଲଗୁଣ୍ଠା ଥାନା ପୋଲିସ ଚଢାଉ କରି ବେଆଇନ ଭାବେ ପ୍ରସ୍ତୁତ ହେଉଥିବା ବହୁ ପରିମାଣର ବିଦେଶୀ ମଦ ଜବତ ଘଟଣାରେ ସମ୍ପୃକ୍ତ ୫ ଜଣକୁ ଗିରଫ କରିଛି । ସେହିପରି 2 ଜଣ ଫେରାର ହୋଇଯାଇଛନ୍ତି ବୋଲି ସୂଚନା ମିଳୁଛି ।
ବିଦେଶୀ ମଦ ଜବତ, 5 ଗିରଫ 2 ଫେରାର
ଘଟଣାଟି ଘଟିଛି, ବେଲଗୁଣ୍ଠା ନିକଟସ୍ଥ ଗଜିନ୍ଦ୍ରା ଗ୍ରାମ ନିକଟ ବ୍ରାହ୍ମଣଦେଇ ବଞ୍ଜରରେ । ହୋମିଓପାଥିକ ଔଷଧରୁ ବିଦେଶୀ ମଦ ପ୍ରସ୍ତୁତ କରାଯାଉଥିଲା । ଯାହାକୁ ଜବତ କରିଛି ପୋଲିସ ।
୧୮୦ ବୋତଲ ହୋମିଓପାଥିକ ସହ ୩୯ଟି ବିଦେଶୀ ମଦ ଜରି ପ୍ୟାକେଟ୍ ଓ ମଦ ବୋତଲ ପ୍ୟାକିଂ ଠିପି ପୋଲିସ ଜବତ କରିଛି । ଏସବୁ ବ୍ରହ୍ମପୁରରୁ ଆଣି ପ୍ରସ୍ତୁତ କରୁଥିଲେ ଅଭିଯୁକ୍ତ । ଆଉ ଏଥିରେ ବ୍ୟବହୃତ ଗୋଟିଏ ମାରୁତି ସୁଜକି ସୁଇଫଟ୍ କାର ଗୋଟିଏ ଟିଭିଏସ୍ ଆପାଚି ବାଇକ ୫ଟି ମୋବାଇଲ ଓ ନଗଦ ୧୨ ଶହ ଟଙ୍କା ଜବତ କରାଯାଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
