ବ୍ରହ୍ମପୁର: ଟ୍ରେନ ଉଜାଡି ଦେଇଛି ବେଉସା । ଏମିତି ଏକ ଘଟଣା ଘଟିଛି ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅଧିନସ୍ଥ ଗୁରାପଲ୍ଲୀ ଗ୍ରାମ ନିକଟ ଦେଇ ଯାଇଥିବା ରେଳ ଧାରଣାରେ ।
ଘଟଣା ଅନୁସାରେ ଗ୍ରାମର ଜି.ଗଣପତି ପାତ୍ର ଓ ଏସ. ଭରତ ପାତ୍ର ରେଳ ଧାରଣ ପାର୍ଶ୍ବକୁ ଛେଳି ଓ କିଛି ମେଣ୍ଢା ଚରାଇ ନେଇଥିଲେ । ରେଳ ଧାରଣା ପାର୍ଶ୍ବରେ ଉଭୟ ଥିବା ବେଳେ ଏହି ସମୟରେ ଫଲକନାମା ଏକ୍ସପ୍ରେସ ଦ୍ରୃତଗତିରେ ଅତିକ୍ରମ କରୁଥିଲା । ଟ୍ରେନ ଶବ୍ଦରେ ସମସ୍ତ ଛେଳି ଓ ମେଣ୍ଢା ରେଳ ଧାରଣକୁ ଚାଲିଆସିଥିଲେ ଯହା ଫଳରେ ସମସ୍ତ ଛେଳିକୁ ଧକ୍କା ଦେଇଥିଲା ଉକ୍ତ ଟ୍ରେନ । ଏଥିରେ ପ୍ରାୟ ଶହେରୁ ଊର୍ଦ୍ଧ୍ବ ଛେଳି ଓ ମେଣ୍ଢାଙ୍କ ମୃତ୍ୟୁ ହୋଇଛି।
ଭିଡିଓ ସୌଜନ୍ଯ: ସମ୍ବାଦଦାତା, ବ୍ରହ୍ମପୁର
ଘଟଣା ପରେ ମେଣ୍ଢା ପାଳକ ସଂପୂର୍ଣ୍ଣ ରୂପେ ଭାଙ୍ଗି ପଡିଛନ୍ତି । ତୁରନ୍ତ କ୍ଷତିଗ୍ରସ୍ତଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବି କରିଛନ୍ତି ସ୍ଥାନୀୟ ଗ୍ରାମବାସୀ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
