ଭଞ୍ଜନଗର: ଗତ ମେ 3 ତାରିଖରେ ନିଖୋଜ ହୋଇଯାଇଥିବା ଭାରତୀୟ ବାୟୁସେନାର ଏଏନ୍-32 ବିମାନରେ ଜଣେ ଓଡିଆ ପାଇଲଟ୍ ଅଛନ୍ତି । ଓଡିଆ ପାଇଲଟ୍ଙ୍କ ନାମ ସୁନିତ ମହାନ୍ତି ହୋଇଥିବା ବେଳେ ସେ ଗଞ୍ଜାମ ଜିଲ୍ଲାର କବିସୂର୍ଯ୍ୟନଗର ବଳିଆପଲ୍ଲୀ ଗ୍ରାମର ବୋଲି ଜଣା ପଡିଛି । ଏହି ଖବର ଶୁଣିବାପରେ ତାଙ୍କ ଗ୍ରାମରେ ଶୋକର ଛାୟା ଖେଳିଯାଇଛି । ସୁମିତଙ୍କ ପରିବାର ଦିଲ୍ଲୀରେ ରହୁଥିବା ଜଣାପଡିଛି ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ଗତ ମେ 3 ତାରିଖରେ ଆସାମ ଜୋରହାଟ୍ରୁ ଉଡାଣ କରିଥିବା ଭାରତୀୟ ବାୟୁସେନାର ଏହି ବିମାନରେ ଓଡିଆ ପାଇଲଟ୍ ସୁନିତ ମହାନ୍ତିଙ୍କ ସମେତ 12ଜଣ ରହିଥିଲେ । ଉଡାଣ ଭରିବାର 33 ମିନିଟ୍ ପରେ ବିମାନରୁ ସମସ୍ତ ଯୋଗାଯୋଗ ବିଚ୍ଛିନ୍ନ ହୋଇଥିଲା । ଏହା ପରେ ବିମାନଟି ନିଖୋଜ ହୋଇଥିବା ଜଣାପଡିଥିଲା । ଏବେ ପର୍ଯ୍ୟନ୍ତ ବିମାନଟିକୁ ସନ୍ଧାନ କରାଯାଇପାରିନାହିଁ । ସନ୍ଧାନ କାର୍ଯ୍ୟରେ ସୁଖୋଇ ସୁ-30 କମ୍ବାତ ଯୁଦ୍ଧ ବିମାନ ସହ ସି-130ଜେ ବିମାନ ନିୟୋଜିତ କରାଯାଇଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
