ଭଞ୍ଜନଗର: ଗଞ୍ଜାମ ଜିଲ୍ଲା ଭଞ୍ଜନଗର ବ୍ଲକସ୍ଥିତ ତୁରୁମ ପଞ୍ଚାୟତର କାଠ ଚିରା ଗ୍ରାମର ଆଦିବାସୀ ସାହିରେ ନିଆଁ ଲାଗି ସାତ ଘର ପୋଡି ଧ୍ବଂସ ହୋଇଯାଇଥିବା ଦେଖିବାକୁ ମିଳିଛି ।
ସୂଚନା ମୁତାବକ, ହଠାତ ନିଆଁ ଲାଗିଯିବାରୁ ସାତ ପରିବାରର ଘର ପୋଡି ପାଉଁଶ ହୋଇଗଲା । ତତ୍ ସଙ୍ଗେ ସଙ୍ଗେ ଚାରି ଗୁହାଳ ମଧ୍ୟ ଜଳି ପୋଡି ଯାଇଥିବାବେଳେ ଭିତରେ ବନ୍ଧା ହୋଇଥିବା ଗାଈ ଗୋଟିଏ ଜୀବନ୍ତ ଦଗ୍ଧ ହୋଇଯାଇଥିବା ସୂଚନା ମିଳିଛି ।
ନିଆଁ ଲାଗି ଜଳିଗଲା 7 ଘର, ଗୋଟିଏ ଗାଈ ଜୀବନ୍ତ ଦଗ୍ଧ
ନିଆଁ ଲାଗିବାର କାରଣ ଅସ୍ପଷ୍ଟ ଥିବାବେଳେ ଖବର ପାଇ ଭଞ୍ଜନଗର ଦମକଳ ବାହିନୀ ପହଞ୍ଚି ନିଆଁକୁ ଆୟତ କରିଛି । ଘଟଣା ସ୍ଥଳରେ ସ୍ଥାନୀୟ ସରପଞ୍ଚ ଏବଂ ସ୍ଥାନୀୟ ଆରଆଇ ପହଞ୍ଚି କ୍ଷୟକ୍ଷତିର ଆକଳନ କରିବା ସହ ସେମାନଙ୍କ ରହିବା ଖାଇବା ବନ୍ଦୋବସ୍ତକୁ ନେଇ କାର୍ଯ୍ୟ ଜାରି ରଖିଛନ୍ତି ।
ଭଞ୍ଜନଗରରୁ ରଞ୍ଜନ ସ୍ୱାଇଁ, ଇଟିଭି ଭାରତ
