ବ୍ରହ୍ମପୁର: ଗଞ୍ଜାମ ଜିଲ୍ଲା ଅନ୍ତର୍ଗତ କୁକୁଡାଖଣ୍ଡି ସମବାୟ ସମିତିର ମନମୁଖୀ କାର୍ଯ୍ୟ ହେଉଥିବା ଅଭିଯୋଗ ଆଣିଛନ୍ତି ସ୍ଥାନୀୟ ଚାଷୀ। ଏନେଇ ଶୁକ୍ରବାର ଦିନ ବ୍ରହ୍ମପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ କରିଛନ୍ତି । ଏଥିସହ ସ୍ଥାନୀୟ ଅଞ୍ଚଳର ଚାଷୀମାନେ ଗୁହାରି କରିଛନ୍ତି ।
ଚାଷୀ ମାନଙ୍କ ଅଭିଯୋଗ ଅନୁଯାୟୀ, ଗତ 2 ବର୍ଷ ଧରି ବଉଳଝୋଳି ଗାଁର ଚାଷୀମାନେ ମୁଖ୍ୟତଃ ଧାନ ବିକ୍ରି କରି ଶୋଷିତ ହେଉଛନ୍ତି । ସରକାରଙ୍କ ସ୍ପଷ୍ଟ ନିର୍ଦ୍ଦେଶକୁ ସମିତିର ସମ୍ପାଦକ ମାନୁନଥିବା ଅଭିଯୋଗ କରିଛନ୍ତି । ସେଠାରେ ଧାନ ସାଇତି ରଖିବା ପାଇଁ କୌଣସି ପ୍ରକାର ମଣ୍ଡିର ବ୍ୟବସ୍ଥା କରାଯାଇନଥିବା ବେଳେ ବାଧ୍ୟ ହୋଇ ଅନେକ ଦଲାଲମାନଙ୍କୁ କମ୍ ମୂଲରେ ବିକ୍ରି କରିବାକୁ ବାଧ୍ୟ ହେଉଛନ୍ତି । ଏପରିକି ଧାନ ରଖିବା ପାଇଁ ଆବଶ୍ୟକତା ରହିଥିବା ଅଖାର ଟଙ୍କା ଚାଷୀକୁ ଦିଆଯାଉ ନାହିଁ । ଏଭଳି ସମସ୍ୟା ପ୍ରତି ଦୃଷ୍ଟି ଦେବାକୁ ଜିଲ୍ଲାପାଳ ଏବଂ ଜିଲ୍ଲା ଯୋଗାଣ ଅଧିକାରୀଙ୍କୁ ଅବଗତ କରାଯାଇଛି । ସମସ୍ୟାର ସମାଧାନ ନହେଲେ ଆଗାମୀ ଦିନରେ ବ୍ୟାପକ ଆନ୍ଦୋଳନ କରାଯିବାକୁ ଚେତାବନୀ ଦିଆଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
