ବ୍ରହ୍ମପୁର: ଆଉ କିଛି ଘଣ୍ଟା ପରେ ବାତ୍ୟା ଫନି ଉପକୁଳ ଛୁଇଁବାକୁ ଥିବା ବେଳେ ଜିଲ୍ଲାର ସମୁଦ୍ର କୂଳବର୍ତ୍ତୀ ନୁଆ ଗୋଳାବନ୍ଧ ଗ୍ରାମବାସୀଙ୍କୁ ପୋଲିସ ଓ ପ୍ରଶାସନିକ ଅଧିକାରୀଙ୍କ ଉପସ୍ଥିତିରେ ଯୋର ଜବରଦସ୍ତ ସୁରକ୍ଷିତ ସ୍ଥାନକୁ ନିଆଯାଉଛି ।
ଭିଡିଓ ସୌଜନ୍ୟ: ସମ୍ବାଦ ଦାତା ବ୍ରହ୍ମପୁର
ବାତ୍ୟାର ହାଇଆଲର୍ଚ ସତ୍ତ୍ବେ ଗ୍ରାମବାସୀ ନିଜର ଘର ଛାଡି ବାତ୍ୟା ଆଶ୍ରୟସ୍ଥଳୀକୁ ଯିବାକୁ ନାରାଜ ଅଛନ୍ତି । ଏପରି ସ୍ଥିତିରେ ଜିଲ୍ଲା ପ୍ରଶାସନ ଗ୍ରାମବାସୀଙ୍କୁ ବୁଝାସୁଝା କରିବାରେ ବିଫଳ ହୋଇ ସେମାନଙ୍କୁ ଯୋରଜବରଦସ୍ତ ବସ ଯୋଗେ ସୁରକ୍ଷିତ ସ୍ଥାନକୁ ନେବାକୁ ବାଧ୍ୟ ହୋଇଛନ୍ତି ।
ଗ୍ରାମଟି ଗୋପାଳପୁରର ସମୁଦ୍ର ଉପକୂଳବର୍ତ୍ତୀ ଅଞ୍ଚଳ ହୋଇଥିବାରୁ ଫନିର ପ୍ରଭାବକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନର ଅଧିକାରୀମାନେ ଏଭଳି ପଦକ୍ଷେପ ଗ୍ରହଣ କରିଥିବା ବେଳେ ରାତି ସୁଦ୍ଧା ସମସ୍ତ ଗ୍ରାମବାସୀଙ୍କୁ ସୁରକ୍ଷିତ ସ୍ଥାନକୁ ନିଆଯିବାକୁ ଯୋଜନା କରାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
