କୃଷ୍ଣସାର ମୃଗକୁ ଝୁଣି ଖାଇଲେ କୁକୁର

ଖାଦ୍ୟ ଅନ୍ବେଷଣରେ ଆସିଥିବା କୃଷ୍ଣସାର ମୃଗକୁ ଝୁଣି ଖାଇଲେ କୁକୁର । ଏପରି ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ବୁଗୁଡ଼ା ବନାଞ୍ଚଳ ଅଧୀନରେ।

ଭଞ୍ଜନଗର: ଗଞ୍ଜାମର ଗୌରବ କୁହାଯାଉଥିବା କୃଷ୍ଣସାର ମୃଗ ଜୀବନ ପ୍ରତି ବିପଦ ଦେଖାଦେଇଛି । ଖାଦ୍ୟ ଅନ୍ବେଷଣରେ ମୃଗଟି ଆସିଥିବାବେଳେ ଦୁଇଟି କୁକୁର ଗୋଡ଼ାଇ ଗୋଡ଼ାଇ କାମୁଡି ମାରିଦେଇଥିବା ଦେଖିବାକୁ ମିଳିଛି ।

ଗଞ୍ଜାମ ଜିଲ୍ଲା ବୁଗୁଡ଼ା ବନାଞ୍ଚଳ ଅଧୀନରେଥିବା ଗୋଳାମୁଣ୍ଡୁଳା ଚାଷ ଜମିରେ ଦୁଇଟି କୁକୁର କୃଷ୍ଣସାରମୃଗକୁ କାମୁଡୁଥିବାର ଲୋକେ ଦେଖିଥିଲେ । କୁକୁରକୁ ଘଉଡାଇବାକୁ ଚେଷ୍ଟା କରିଥିଲେ ବି ମୃଗକୁ ବଞ୍ଚାଇ ପାରିନଥିଲେ। ଗ୍ରାମବାସୀ ବନବିଭାଗକୁ ଖବର ଦେଇଥିଲେ ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ