ବଡନଦୀରୁ ନିଖୋଜଙ୍କ ମୃତଦେହ ଉଦ୍ଧାର

ଗଞ୍ଜାମ ଜିଲ୍ଲା ଭଞ୍ଜନଗର ଥାନା ଅନ୍ତର୍ଗତ ନୂଆଗାଁ ବଡନଦୀରୁ ମୃତଦେହ ଉଦ୍ଧାର । ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଉଦ୍ଧାର କରିଛି ଏବଂ ତଦନ୍ତ ଜାରି ରଖିଛି ।

ଭଞ୍ଜନଗର: ଗଞ୍ଜାମ ଜିଲ୍ଲା ଭଞ୍ଜନଗର ଥାନା ଅନ୍ତର୍ଗତ ନୂଆଗାଁ ବଡନଦୀରୁ ଗଳିତ ମୃତଦେହ ଉଦ୍ଧାର । ମୃତକ ଜଣକ ନିଖୋଜ ଥିବା କୃଷ୍ଣପଲ୍ଲୀ ଗ୍ରାମର ଗନ୍ଧି ନାଇକ ବୋଲି ଜଣାପଡିଛି ।

ଭଞ୍ଜନଗର ଥାନା ଅନ୍ତର୍ଗତ କୁଲାଡ ନିକଟ କୃଷ୍ଣପଲ୍ଲୀ ଗ୍ରାମର ଗନ୍ଧି ନାଇକ ଗତ ତିନିଦିନ ହେଲା ନିଖୋଜ ଥିଲା । ନୂଆଗାଁ ବଡନଦୀରେ ଏକ ମୃତଦେହ ଭାସୁଥିବାର ଲୋକମାନେ ଦେଖିବାକୁ ପାଇଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ନଦୀରୁ ମୃତଦେହକୁ ବାହାର କରିଥିଲା । ନିଖୋଜ ଥିବା କୃଷ୍ଣପଲ୍ଲୀ ଗ୍ରାମର ଗନ୍ଧି ନାଇକ ବୋଲି ଚିହ୍ନଟ କରାଗଲା । ମୃତଦେହକୁ ବ୍ୟବଚ୍ଛେଦ ପାଇଁ ଭଞ୍ଜନଗର ମେଡିକାଲକୁ ପଠାଇ ତଦନ୍ତ ଆରମ୍ଭ କରିଛି ପୋଲିସ ।

ଭଞ୍ଜନଗରରୁ ରଞ୍ଜନ ସ୍ୱାଇଁ,ଇଟିଭି ଭାରତ