ବ୍ରହ୍ମପୁର: ବ୍ରହ୍ମପୁର ମହାନଗର ନିଗମର ନୂତନ କମିଶନର ଭାବେ ଯୋଗ ଦେଇଥିବା ଭାରତୀୟ ପ୍ରଶାସନିକ ସେବାର ଅଧିକାରୀ ଜେ. ସୋନାଲ ହଠାତ୍ ବ୍ରହ୍ମପୁର ସହର ଗସ୍ତ କରିଥିଲେ । ନୂତନ ବସଷ୍ଟାଣ୍ଟ ଠାରେ ରହିଥିବା ଆହାର କେନ୍ଦ୍ରରେ ପହଞ୍ଚି ଲୋକଙ୍କ ସହିତ ଧାଡିରେ ଯାଇ ଖାଦ୍ୟ ଖାଇବା ସହ ଏହାର ସ୍ବାଦ ଏବଂ ଗୁଣାବତ୍ତା ତାହାକୁ ଅନୁଧ୍ୟାନ କରିଛନ୍ତି । ଏପରିକି ଆହାର କେନ୍ଦ୍ରର ପରିସର ଏବଂ ବାହାରେ କିପରି ପରିମଳ ବ୍ୟବସ୍ଥା ରହିଛି ତାହାକୁ ମଧ୍ୟ ଅନୁଧ୍ୟାନ କରିଛନ୍ତି ।
ଆହାର କେନ୍ଦ୍ରର ସ୍ଥିତି ଅନୁଧ୍ୟାନ କରିବା ପରେ ଖାଦ୍ୟ ଯୋଗାଣ କରୁଥିବା ସଂସ୍ଥା ସହିତ ଆଲୋଚନା କରିବେ ବୋଲି ସେ କହିଛନ୍ତି । ଅନୁଧ୍ୟାନ ସମୟରେ ସେଠାକାର ବ୍ୟବସ୍ଥା ଉପରେ ସନ୍ତୁଷ୍ଟ ଥିବା ଇଟିଭି ଭାରତ ସହ ଆଲୋଚନା ସମୟରେ ସୂଚନା ଦେଇଛନ୍ତି ନୂତନ କମିଶନର ଜେ. ସୋନଲ । ପରିଦର୍ଶନ ପରେ ବ୍ରହ୍ମପୁର କମିଶନର କହିଛନ୍ତି ଯେ, "ବ୍ରହ୍ମପୁର ଯେବେଠାରୁ ଆସିଛି ଲୋକମାନେ ବହୁତ ଭଲ ଲାଗିବା ସହ ଏଠାକାର ଖାଇବା ମଧ୍ୟ ବହୁତ ଭଲ ଲାଗିଛି । ଆହାର କେନ୍ଦ୍ରର ସ୍ଥିତି ଦେଖି ମୁଁ ସନ୍ତୁଷ୍ଟ । ଯେଉଁଠାରେ ସୁଧାରିବା ପାଇଁ ଦରକାର ପଡିବ ମୁଁ ନିଜେ ତଦାରଖ କରି କାର୍ଯ୍ୟ କରିବି ।"
ଇଟିଭି ଭାରତ, ବ୍ରହ୍ମପୁର
