ଗଞ୍ଜାମ: ସୋମବାର ଭଞ୍ଜନଗର ମେଡିକାଲକୁ ଅଚାନକ ଗସ୍ତ କରିଛନ୍ତି ଜିଲ୍ଲାପାଳ ବିଜୟ ଅମୃତା କୁଲଙ୍ଗେ । ରୋଗୀ ସେବା ଠାରୁ ଆରମ୍ଭ କରି ମେଡିକାଲର ସମସ୍ତ ବିଭାଗ ବୁଲି ଦେଖିଥିଲେ । ଏହାସହ ରୋଗୀ ମାନଙ୍କୁ ଉତ୍ତମ ଚିକିତ୍ସା ଯୋଗାଇବାକୁ ଡାକ୍ତରଙ୍କୁ ପରାମର୍ଶ ଦେଇଥିଲେ ତା ସହିତ ମେଡିକାଲକୁ ପରିଷ୍କାର ପରିଛନ୍ନ ରଖିବାକୁ କହିଥିଲେ ଜିଲ୍ଲାପାଳ ।
ଏହାସହ ମେଡିକାଲରେ ଥିବା ସବୁ ମେସିନ କମକରୁଛି କି ନାହିଁ ନିରାମୟ ଯୋଜନାରେ ରୋଗୀଙ୍କୁ ମେଡ଼ିସିନ ଦିଆଯାଉଛି କି ନାହିଁ ଏହିପରି ସବୁ ବିଭାଗକୁ ବୁଲି ଦେଖି ସାରିବାପରେ ମେଡିକାଲରେ ଆଉ କେଉଁ ଅସୁବିଧା ରହିଛି ଏନେଇ ଡ଼ା ପ୍ରଫୁଲ ଗୌଡ଼ଙ୍କୁ ପଚାରି ବୁଝିଥିଲେ ।
ତେବେ ମେଡିକାଲରେ ଆବଶ୍ୟକୀୟ ଡାକ୍ତରଙ୍କର ଅଭାବ ରହିଛି । ଯାହାଦ୍ବାରା ସର୍ଜରି, ମେଡ଼ିସିନ, ଅର୍ଥୋପେଡିକ, ଚକ୍ଷୁ ରୋଗୀ ରୋଗୀଙ୍କ ଚିକିତ୍ସା ଏଠାରେ ହୋଇପାରୁନଥିବା କହିଛନ୍ତି ଡ଼ ପ୍ରଫୁଲ ଗୌଡ଼ । ଏହାସହ ଡାକ୍ତର ପଦବୀ ପୂରଣ ପାଇଁ ଅନୁରୋଧ କରିବା ସହ ମେଡିକାଲରେ ଦୁଇଟି ଗେଟ ଥିବାରୁ ଅବାଧରେ ଭାରିଯାନ ଏହା ଭିତରଦେଇ ଯିବାଆସିବା କରୁଛି ଓ ବେଳେବେଳେ ଟ୍ରାଫିକ ସମସ୍ୟା ଉପୁଜୁଛି ତେଣୁ ଗୋଟିଏ ଗେଟ ବନ୍ଦ କରିବାକୁ କହିଥିଲେ ଡାକ୍ତର ।
ଭଞ୍ଜନଗରରୁ ରଂଜନ ସ୍ବାଇଁ, ଇଟିଭି ଭାରତ
