ଭଞ୍ଜନଗର: ପୋଲିସର ଦବଙ୍ଗଗିରି । ଚୋର ସନ୍ଦେହରେ ଗ୍ରାମବାସୀ ଅଟକ ରଖିଥିବା ଦୁଇ ଜଣକୁ ଉଦ୍ଧାର କରିବାକୁ ଯାଇ ଗ୍ରାମବାସୀ ଓ ପୋଲିସ ମଧ୍ୟରେ ଏକ ପ୍ରକାର ଖଣ୍ଡଯୁଦ୍ଧ ହୋଇଛି । ଗଞ୍ଜାମ ଜିଲ୍ଲା ତାରସିଂଙ୍ଗ ଥାନା ଅନ୍ତର୍ଗତ ଗେରେଡା ଗ୍ରାମରେ ଗତ ରାତିରେ ପୋଲିସ ଏବଂ ଗ୍ରାମବାସୀ ମଧ୍ୟରେ ଖଣ୍ଡ ଯୁଦ୍ଧ ହୋଇଥିଲା । ପୋଲିସର ଲାଠି ମାଡ଼ରେ ଗ୍ରାମର ଜଣେ ଯୁବକ ଗୁରୁ ପ୍ରଧାନ ଲହୁଲୁହାଣ ହୋଇଥିବାବେଳେ ଅନେକ ଆହତ ହୋଇଛନ୍ତି l
ସୂଚନାଥାଉକି ଗତ ଏକ ସପ୍ତାହ ମଧ୍ୟରେ ଗଞ୍ଜାମ ଜିଲ୍ଲା ତାରସିଂଙ୍ଗି ଥାନା ଇଲାକାର ଚୋରମାନେ ତାଲା ଭାଙ୍ଗି 20 ରୁ ଉର୍ଦ୍ଧ ଲୋକଙ୍କ ଘରୁ ଚୋରି କରିଥିଲେ । ତେଣୁ ଗ୍ରାମବାସୀ ସଜାଗ ରହିଥିଲେ ଏହି ସମୟରେ ଏକ ମାରୁତି କାରରେ ଦୁଇଜଣ ଅଜଣା ଲୋକଙ୍କୁ ଦେଖି ଗ୍ରାମବାସୀ ତାଙ୍କୁ ଅଟକ ରଖି ପଚରାଉଚରା କଲେ । ଏହି ସମୟରେ ଖବର ପାଇ ତାରାସିଂଙ୍ଗ ପୋଲିସ ସେହି ଅଜଣା ଦୁଇ ବ୍ୟକ୍ତିଙ୍କୁ ଗ୍ରାମବାସୀଙ୍କ କବଳରୁ ଉଦ୍ଧାର କରିଥିଲ । କିନ୍ତୁ ସେହି ସମୟରେ ପୋଲିସ ଗାଡିକୁ ଅଟକାଇ ଥିବା ଅଭିଯୋଗରେ ଗେରେଡା ଗ୍ରାମର ତିନିଜଣକୁ ଗିରଫ କରି କୋର୍ଟ ଚାଲାଣ କରିଥିଲେ ।
ଅନ୍ୟପଟେ ଚୋର ସନ୍ଦେହରେ ଥିବା ଦୁଇ ଜଣକୁ ତାଙ୍କ ପରିବାର ଲୋକ ଆସିଲେ ଛଡ଼ାଯିବ ବୋଲି ଥାନା ଅଧିକାରୀ କହିଛନ୍ତି । ଅନ୍ୟପଟେ ପୋଲିସ ସାଧାରଣ ଲୋକଙ୍କ ଧନ ଜୀବନ ସୁରକ୍ଷା ଦେବାରେ ଫେଲ ମାରିଥିବା ଗ୍ରାମବାସୀ ଅଭିଯୋଗ କରିଛନ୍ତି ।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
